مخلالات مشكلة ملكة تحضيرات رمضان
مخلالات مشكلة ملكة تحضيرات رمضان
المقادير
- اثنين كيلو خيار حجم صغير
- ثلاث كيلو لفت
- عشر حبات خس حجم صغير
- ثلاث حبات شوندر
- ملح صخري حسب الحاجة
- سكر حسب الحاجة
- خل ابيض
- ثوم كزبرة ناشفة محطون
- فليفلة بودرة مطحونة
- خل ابيض
- ماء مغلي ومبرد
الخطوات
بسم الله الرحمن الرحيم
السلام عليكم ورحمة الله وبركاته
كيفن شيفات زاكي يسعد اوقاتكم
سفرة رمضان مابتخلا من صحن مخلل بزيين السفرة من اهم المقبلات وبيفتح النفس عالاكل بس بأعتدال لأنو بيعطش
اول شي قيسي المي بمطربان يلي بدك تخللي بي وحطيها بطنجرة واغليها وتركيها تبرد هيك بتصير عندك مي معقمة وثاني شي بتنظفي المطربانات بمي سخنة او بتعبيون مي سخنة وتركيهن مدة نص ساعة هيك بنكون عقمنا المطربانات
وبعدين بنظف الخضار منيح وبعدين بنجيب الملح الخشن الصخري هذا الملح خالي من اليود وبنذوب ملعقة ملح كبيرة وبنحرك وبذوق لحتا يصير نسبة الملوحة اضهر من ملوحة الطبخة يكون ملحها ضاهر وبنضيف ملعقة سكر لكل مطربان وبنضيف ملعقة كبيرة كزبرة ناشفة ومطحونة وملعقة كبيرة فليفلة مطحونة وملعقتين خل ابيض وبنهرس الثوم وبنضيفو كمان وبنعبي الخيار والخس بمطربانات
ملاحظة لازم نختار حبات الخيار الصغيرة والصلبة والطازج بتقاوم افضل وبتضل بتقرش
وبنضيف عليه المي وبنحط على وجه المخلل قطعة نايلون نضيفة وبنحكم اغلاقها وبعدين نشتغل بمخلل اللفت بعد غسلو وتنضيفو منيح من التراب وبشيل الجذور العلوي والسفلي وبنقطو شرايح او حسب الرغبة وبنضيف عليه كمية من الملح الخشن وبنتركو لحتا تنزل المي منو اناتركتو ستة ساعات
وبعدين بنغسلو منيح وبنحطو بمصفاية بنقطع الشوندر ومنخلطهن مع الفت وبنعبيهن بمطربان وبنضيف الملح وبنذوق لحتا يصير ملحو مثل ملح الطبخ لانو اللفت ضفنالو ملح من قبل وملعقة سكر وملعقتين خل وبنحط على وجه نايلون نظيف وبنسكرو منيح وبنتركو لحتا يستوي
نصيحة وقت بدك تأخذو من المخلل خذو كمية على قدر الحاجة افضل منشان ماترجعو عالمطربان
وان شالله صحة وهنا
