ليمونادا بحبة برتقال وليمون ملكة تحضيرات رمضان

المقادير

• لعمل 2 – 3 لتر عصير بنحتاح :
• 1 حبة برتقال
• 1 حبة ليمون
• 1 ونص كوب سكر
• 2 لتر ونص ماء
• م.ك.نكهة ليمون او برتقال أختياري
• وكميه من ورق النعنع

الخطوات

السلام عليكم ويسعد أقاتكم بكل خير

اليوم بقدملكم عصير ليمونادا مكس بالبرتقال والليمون والنعناع والطعم كثييير طيب ومنعش وبنفس الوقت سهل وبسيط بحبة برتقال وحبة ليمون بتعملي 2لتر ليمونادا وممكن يعمل معك ل3 لتر حسب ما بتفضلو انا عملت لترين ونص من العصير بحبة برتقال وحبة ليمون فقط وأااااكيد ما في غنى عن العصائر على مائدة أفطار رمضان وهالعصير كثير طيب ومنعش عالأفطار ان شاء الله بتجربوه وبعجبكم …..

يلاااا نشوووف الطريقه ….

& قبل بيوم نضع حبة برتقال وحبة ليمون بالفريزر

انا وضعت حبتين ليمون وحبتين برتقال حبيت ازيد الكميه عملت ليمونادا برتقال وليمون، وعصير ليمون وبرتقال ونعنع سوا،، وكل حبتين بعملو من 2 -3لتر عصير انا وضعت 2 لتر ونص لكل نوع عصير حسب ما بتفضلو الطعم

& قبل عمل العصير نخرج الليمون والبرتقال من الفريزر قبل ما نعمله تقريبا بربع ساعه عشان نقدر نقطعه للخلط ،،ثم بقطعهم وبضعهم بالخلاط او المحضره وبضع عليهم كوب سكر وربع كوب ماء لا أكثر عشان الخلاط يقدر يخلطهم بعد الخلط بضعهم بوعاء عميق وبضع عليهم الماء البارد وضعت 2 لتر ونص،، وبحركهم وبذوق حلاوته ( زدت نص كوب سكر لانه كان بده زياده ) طبعا السكر حسب الرغبه ،،واذا كان متوفر عندك نكهة الليمون او نكهة البرتقال نضع ملعقه كبيره منه واذا لم بتوفر بنستغني عنه ..

بنحركهم وبتركهم خمس دقائق ثم بصفيه مرتين عشان اضمن انه اتصفى مزبوط وبضعه بقوارير ماء او بشاف العصير ويضع بالثلاجه او الفريزر لحين وقت التقديم

& عصير الليمون والنعناع والبرتقال بنفس الطريقه بس زياده انه بنضيف ورق النعنع للخلط

& عند التقديم زينته بشرائح البرتقال وورق النعنع ومكعبات الثلج

ان شاء الله بتجربوه وبعجبكم

وصحه وعافيه

دمتم بكل الخير