دوناتس هش وخفيف ياجمااالو ياتكاااتو ياااحرااااكااااتو
دوناتس هش وخفيف ياجمااالو ياتكاااتو ياااحرااااكااااتو
أنا بحبكم كتييييييير اسمي أسماء حرب أدرنية مقيمة في اسبانيا اليوم راح أخبركم سر الدونات الهش والخفيف مثل الريشة والطعم ولا أزكى جربوه واحكولي رأيكم, بحبكم :*
دونات مشكل المقادير:
كيلو طحين حسب نوع الطحين انا اخد زيادة شوي.
معلقتين خميرة ممسوحة كبيرة .
معلقة كبيرة ممسوحة بيكمباودر+نص كاسة سكر .
كاس ماء دافئ + 2 كأس حليب دافئ.
معلقتين زبدة دايبة ومعلقتين زيت نباتي +برش حبة ليمون او برتقال .
ظرف كريم دريم ويب +معلقة صغيرة ملح+ 2بيض +معلقتين صغار فانيلا .
المكونات كلها تكون ضمن درجة حرارة الغرفة.
الطريقة:
بصحن غميق بحط الخميرة و البيكمباودر ونص كاسة سكر بنزل عليهم الماء و الحليب الدافي وبخلط منيح بعدين منضيف ملعقتين الزبدة وملعقتين زيت نباتي وبخلط،
بعدين برش حبة برتقال او ليمون وظرف دريم ويب بودرة (بعطوا نكهة وخفة)بعدين الملح وبخلط منيح بالمضرب اليدوي
بعدين منحط البيض مع الفانيلا ومنخلط منيح لحتى يصير خليط سلس، اخر شي منحط الطحين ع دفعات وبعجن العجن اشي اساسي لنجاحها بخليها عجينة طرية او رخوة شوي بتلزق بالايد وهاد اشي ضروري بعجينة الدونات
،،اخر شي برش ع وجه العجينة رشة طحين وبغطيها منيح لحتى يضاعف حجمها
بس تتخمر برش ع سطح طحين وبنزلها بخفة من دون ما نرجع نعجنها (هي خطوة مهمة )بمدها بالشوبك بشكل خفيف من دون الضغط بقطعها بسماكة 1سم ونص بنقلها ع صينية مرشوشة طحين وبغطيها لحتى يضاعف حجمها
بعدين ع زيت معتدل السخونة والنار اقل من وسط انا غلفتها بشوكوﻻتة والدوائر يلي بالنص حطيتهم بسياخ الخشب بعد القلي والباقي غمرتهم بالسكر .
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي