عمرك دقت البلورية؟ ادخل تعلم طريقة سهلة لصنعها
عمرك دقت البلورية؟ ادخل تعلم طريقة سهلة لصنعها
مرحباااااا كيفيكون شو أخباركون, معكون صديقة زاكي Sanaa Dalal
اليوم عملتكن حلوى عربية كتير زاااكية اسمها بلورية تعالوا نتعلمها مع بعض,بلوريه بتشهي مين بحبها واعملت كنافه صغيره بالقلايه نورتوا أحلى صبايا ?????
طريقة البلوريه ?
المكونات ?
باكيت شعيرية الكنافه
قطر
سمنة
فستق حلبي
الطريقه ?
بتفتفتي الشعيريه وبتقصيها أطوال قصيره
بتدهني البايركس اكبر حجم بالسمنه وبترصي الشعيريه على البايركس منيح يعني جيبي ورق نايلون او ورق الزبده وحطيها فوق الشعيريه وحطي فوقيها اشي تقيل يعني اكبسيها منيح
وفي هذه الأثناء بنحط كمية قطر على الفستق المجروش خشن وبنخليه يتماسك بالقطر التقيل وبنوزعه على الشعيريه وبنبعد عن الاطراف وبنحط باقي كمية الشعيريه بنوزعها منيح على الفستق وما بنخلي فراغات او الفستق يبان
وبندهنها بالسمنه بواسطة فرشايه وبنضغطها كتير منيح بشي ثقيل او انتي بتضغطي بايدك بشغله تقيله عليها لمدة عشر دقايق نتأكد انها انضغطت مزبوط
وبتدخليها الفرن لمدة عشر دقايق او لنشوف الاطراف يا دوب تحمرت وهيك بتكون جاهزه
وبس تطلعيها من الفرن بتسقيها بالقطر كمية معقوله يعني ما تكتري لحتى ما تطلع معك حلوه كتير او حسب ما بتحبوا وبتقطعيها بواسطة الرول القاطع او بالسكينه بس بدك تديري بالك ما يخرب شكلها واستنى عليها لتبرد وبالعافيه
وهدية لكل الاشخاص المزوقين اللي اختاروا وصفة البلورية, بهديكم هلا وصفة كنافة سريعة بالمقلاية, يلااااا تعالوا معي:
طريقة الكنافه بالقلايه
الكنافه وبتقصيها او اذا بتحبيها ناعمه بتفرميها بالمكسر وبتحطي كمية بسيطه من السمن وبتحطيها بقلايه تيفال
وبتحطي عليها جبنة عكاوي حلوه بتبشريها على الكنافه وبتحطي المقلاية على نار هاديه وبتصيري تدوري المقلاة على الغاز لحد ما تتحمر الشعيريه وتدوب الجبنة
بتقلبي القلايه على صحن التقديم وبتشربيها بالقطر وبالعافيه
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي