رز بحليب على طريقة ام محمد وبسكويت جوز الهند على طريقة ست النكهات

يسعد اوقاتكم بكل خير اليوم وصفاتي تطبيق للطريقات اخواتي بتطبيق زاكي الرائع وبحب اتشكرهم واشكر كل شيف بتقدم كل وصفاتهابحب وأخلاص وانا رح انزل الطريقة منسوخة كامل الشرح الله يعطيهم العافية
طريقة الأرز بحليب سهله وطييبه بالاجواء الشتويه ملكة الطبخ

المقادير

كوب ارز مصري قصير الحبهأضف

اربع اكواب حليب سائلأضف

كوب الا ربع سكر او حسب الرغبهأضف

علبة قشطهأضف

نكهة الورد او ماء الورد او فانيلاأضف

قرفه مطحونه للتزينأضف

الخطوات

السلام عليكم ويسعد اوقاتكم بكل خير

الوصفه اليوم من وصفاات اياام زمان وبتمتاز بحضروها بالاجواء الشتويه وطريقتها كثيييير سهله وبسيطه وبنفس الوقت طعم زاكي وطيب وبدون استخدام النشاا،، ان شاء الله بتعجبكم طريقتي وبتجربوها

يلاااا نشوووف الطريقه …..

& بغسل الارز وبصفيه وبضع عليه اربع اكواب حليب وبتركهم منقوعين من ساعتين لاربع ساعات اربع ساعات افضل ..انا كنت مستعجله فنقعته بالحليب فقط ساعتين …

( ممكن وضع اربع اكواب ماء وعليهم كوب حليب بودره وملعقتين،، ما يعادل 12 ملعقة حليب انا حبيت ازيد طعم الحليب فيه ..ممكن وضع لكل كوب ماء ملعقتين حليب ما يعادل 8 ملاعق حليب بس بكون خفيف طعم الحليب عشان هيك زدت كميته ..وممكن استخدام الحليب السائل الجاهز )

& بعد ما يخلص وقت النقع بضعه عالغاز عالنار اقل من الوسط مع التحريك المستمر لحتى يغلي وبضع عليه السكر وبحرك لحتى يذوب السكر وبعد هيك بضل احرك كل شوي ما بتركه فتره طويله بدون تحريك عشان ما ينحرق …وبنستمر بطبخه لحتى يثقل قوامه ويستوي الارز

أخر شي بضع عليه علبة القشطه ونكهة الورد وبحركهم وبتركهم يغلو كم غلوه وبعد هيك بصبها بكاسات التقديم او الصحون وبزينها بالقرفه المطحونه ..ااكيد التزين اله خيارات كثير مثل جوز الهند او الفستق الحلبي او اي نوع مكسرات وساده بدون تزين زااكي بكل حالاته هههه

&ممكن التقديم سااخن كثير زااكي وممكن بارد

بعد ما يصبح بدرجة حرارة المطبخ بدخله عالثلاجه ..وصحه وعاافيه

دمتم بكل الخير

بسكويت جوز الهند

المقادير

3 بيض

2 كوب سكر

كوب زبدة ( 200 غم)

م.ك فانيليا

م.ك بيكينج باودر

كوب جوز هند مطحون ناعم

نصف كوب حليب سائل

طحين ابيض بدون تحديد كمية

الخطوات

السلام عليكم ياوردات.. اليوم حبيت اشارككم طريقة عمل بسكويت سهل جدا ولذيذ بنكهة جوز الهند.. بسم الله نبدأ:

# اول شي بنخفق البيض والفانيلا والزبدة لحتى تبيض الزبدة.

# بنضيف السكر ةبنستمر بالخفق.

# بنضيف الحليب وجوز الهند الناعم وبنخفق.

# اخر شي بنضيف الطحين مع البيكينج باودربالتدريج لحتى تتماسك العجينة وتصير قابله للفرد بس مانكتر طحين لانها بتقسى..

#الطحين ممكن ياخد 4—5 اكواب حسب نوعه.

# مانبالغ بالعجن ابدا بنلم العجينه لم بايدنا.

# بنفردها وبنقطعها بالقطاعات يلي متوفرة وبنرتبها بصينية يفضل على ورق زبدة.

# تخبز في فرن محمي مسبقا على حرارة 180

# مابتاخد وقت بالفرن بدنا نراقبها ممكن عشر دقائق بس.

# وصحتين وهنا

# الكمية بتطلع كبيرة ازا بتحبي جربي على نص المقادير

# ممكن تغلفيها بطريقة لطيفة وتاخديها هدية بزياراتك. حلوة كتير