محشي كوسا ملكة تحضرات رمضان

المقادير

• 8 كيلو كوسا
• 7 اكواب رز مصري
• ثوم مهروس
• نصف كيلو لحمة
• ملعقة فلفل اسود
• ملعقة نعنع مجفف
• ملعقة سبع بهارات
• ملعقة بابريكا
• ملعقتين صلصة بندروة
• ملعقتين سمنة
• ملعقتين زيت اونى
• ملح حسب الرغبة

الخطوات

السلام عليكم ورحمة الله

كيف حال الصبايا الاميرات

اليوم حبيت شارك معكم طريقتي

بطبخ محشي الكوسا بصلصة البندورة

منحفر كمية الكوسا يلي عندي

ومنغسلهم كتير منيح ومنشفهم

ننقع الارز مدة 30دقيقة وبعدها منغسلو 7 مرات مشان يروح كل النشويات يلي طعمتها مزعجة

منضيف على الارز اللحمة المفرومة والبهارات والسمنة والزيت والفلفل والببريكا والنعنع المجفف والثوم المهروس وصلصة البندورة والملح حسب الرغبة ومنخلطهم مع بعض

ومنحشي حبات الكوسا ومنصفهم بالطنجرة انا زاد عندي شوي من الحشوة حشيت فيهم كم حبة فلفل اخضر وكم حبة بندورة

منجهز صلصة المحشي منضيف في وعاء صلصة بندورة ومنزيدها ماء وملح وكثافة المرقة حسب الرغبة ومنضيفهم فوق الكوسا ومنتقل الكوسايات بتقل خفيف مشان مايفوشو ع الوجه وتطلع الحشوة

وع النار مدة ساعه ونصف ليستوي

(انا احتفظت بقلب الكوسا وقطعتهم وغسلتهم وحمستهم بشوية ثوم مهروس وزيت وضفت نعنع وفلفل وملح )

بتمنى تجربو طريقتي وتعطوني رأيكم

وصحتين وهنا ع قلوبكم❤