طريقة الكنافه بالشعيريه الباكستانيه
مرحبااااا معكم صديقة زاكي Sanaa Dalal
بنحتاج كيسين من الشعيريه الباكستانيه / كاستين حليب سائل / ثلاث معالق كبار نشا / 3 معالق ماء زهر / إصبع زبده / قطر /علبة قشطه/ جبنة حلوه انا بعملها من الحليب
الطريقه:
بنفتت الشعيريه بالايد بكل سهوله لانها كتير سوفت وناعمه وبنحمصها مع اصبع الزبده في طنجره على نار وسط لحتى يصير لونها على احمر
والجبنه الحلوه كتير سهله بتجيبي لتر حليب وبتحطي على النار وقبل ما يفور بتحطي نص فنجان قهوه خل وهيك بصير يفرفط الحليب خليه يغلي شي دقيقه
وبعدين حطيه بمصفايه اضغطي على الجبنة لتنزل كل المي منها وهيك بصير عندك جبنه حلوه جاهزه بتحطيها مع علبة قشطه وبتصير عندك اطيب قشطه للحلويات
وعلى طنجره ثانيه بنحط كاستين حليب وثلاث معالق نشا وماء الزهر ومعلقتين سكر ومعلقة سميد ناعم على النار وبنضل نحرك فيهم حتى يشتد الخليط وانا من عندي حطيت معاهم كاسة جبنة موزاريلا
وبس نطفي تحتيهم بتحطي القشطه والجبنة اللي عملناها بنخلطهم سوى
وبعديها بنحط نص كمية الشعيريه في صينية بايركس او قالب التشيز كيك
وبعدين بنحط كل كمية القشطه اللي اعملناها فوق الشعيريه وبنحط باقي كمية الشعيريه فوق القشطه توزع بالكامل على جميع الصينيه وبنرصها منيح
وبندخلها الفرن على حراره وسط لحد ما تحمر من فوق ومن تحت وبس تطلع بنسقيها قطر بارد وبالعافيه
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي