فلافل منزلية ذهبية ومقرمشة بطريقة سهلة

المقادير

• حمص مطحون كأس
• ثوم مهروس
• كزبرة مطحونة
• كمون مطحون
• فليفلة مطحونة
• نص ملعقة كركم
• نص ملعقة كروبونات الصوديم
• ملح

الخطوات

بسم الله الرحمن الرحيم

السلام عليكم ورحمة الله وبركاته

يسعد اوقاتكم بكل خير اليوم رح نعمل فلافل بأسهل واسرع طريقة أنا بشتري حمص مطحون من عند العطار وبطحنو عندو وسط لا ناعم ولاخشن هيك بيطلع تمام يعني لوخطر ببالك تعملي كم قرص فلافل وتقديمهم صنف بسفرة رمضان مابياخذ منك وقت ولا جهد ولو عملتيهم بأيدك بتعرفي نظافة الزيت يلي بتقلي بيه واطيب من الجاهزات

اول شي باخذ مقدار من الحمص على قدر حاجتي وبهرس الثوم وبضيف الحمص وبضيف الكزبرة والكمون والفيلفلة والكاري والكربونات والملح وبضيف عليه المي بتدريج ليصير عندي خليط متماسك وبغطيه وبتركو نص ساعة وبعدين بنبلش قلي وبشكلن بقالب فلافل قبل ما أعبي الخليط بالقالب بغطو بصحن مي وبعبي من الخليط منشان ينزل القرص بسهولة بزيت النار لازم تكون وسط وهيك لحتا تخلص الكمية

وان شالله صحة وهنا