حلا الكريم كراميل والطعم لذيذ ملكة تحضيرات رمضان

المقادير

• 5 أكواب ماء
• كوب حليب بودره ما يعادل 12 م.ك.
• 3 باكيت كريم كراميل
• علبة قشطه
• ظرف كريما بودره أختياري
• م.ك.كاسترد أختياري

الخطوات

السلاام عليكم ويسعد أوقاتكم بالخير

اليوم بقدملكم وصفة حلااا الكريم كراميل ولا اروع من هيك سهل وبشههي وبعد الافطار برمضان زاكي وببرد بالجو الحار ان شاء الله بعجبكم وبتجربوه

يلااااا نشووف الطريقه …..

& نضع الماء والحليب البودره وبخلطهم سوا (او ممكن نستخدم حليب سائل جاهز ونزيدله معلقتين حليب بودره)

ثم بضيف ظرف الكريما والقشطه والكريم كراميل وبخلطهم مزبوط (وضفت معلقة كاسترد اختياريه )وبضعهم عالغاز عالنار وسط مع التحريك المستمر لحتى يغلي ويثقل قوامه شوي،، يعني تقريبا دقيقتين من بعد ما يغلي وبعدين بنطفي النار تحته وبنصبه بالقالب يلي راح نستخدمه او بزبادي او كاسات اي شي بتفضلوه طبعا بنكون حطينا بقعر الصينيه او الكاسات من السكر المكرمل يلي بكون مع الكريم كراميل بوزعه بشكل كامل ثم بصب خليط الكريم كراميل فوقه وبتركه يبرد بدرجة حرارة المطبخ ثم بدخله الثلاجه اقل شيئ ثلاث ساعات او ليله كامله بنعمله قبل بيوم وبضل لثاني يوم

عند التقديم بنقلبه سواء كان بزبادي او صينيه بنقلبه بشي ثاني بنكون حريصين اثناء القلب والتقطيع ،،، وبنقطعه وبنقدمه وصحه وعافيه

طعم زاااكي وحلا سهل وبسيط ومناسب بالصيف ورمضان

دمتم بكل الخير

( اللهم أدمها من نعمه واحفضها من زوال )