طريقة تفريز الفطائر بشكل صحيح ملكة تحضيرات رمضان
طريقة تفريز الفطائر بشكل صحيح ملكة تحضيرات رمضان
المقادير
- كيلو طحين
- كوبين لكوبين ونص ماء حسب حاجة العجين
- ملعقةكبيرة خميرة فورية
- ملعقتين سكر
- ملعقة صغيرة ملح
- ملعقتين زبادي(لبن)
- ملعقتين حليب بودرة
- نص كاسة زيت
الخطوات
بسم الله الرحمن الرحيم
السلام عليكم ورحمة الله وبركاته
يسعد اوقاتكم اخواتي العزيزات على قلبي وعائلتي الثانية يلي كل عضو بأعضاء تطبيق زاكي يبتجمعهم المحبة والأخوة أنا كثير برتاح ويفرح كل مااشوف كلمات الاخوات لبعض وبفرحني سؤال بعض الاخوات بغياب وحدة منهن عليها والكلمات الحلوة يلي بتجبر الخواطر الله يجمعنا عالمحبة والمساندة لبعض وبتشكر الادمن وكل قائم عالتطبيق الحلو يلي فتحنا المجال نتعرف عالناس الطيبين وعاداتهم وتقاليدهم وطبخاتهم ولغاتهم من أنحاء الوطن العربي ورمضان مبارك عليكو والله يجعلكو من عواده ويارب يفرجها عليناوعليكو ويرفع عنا الوباء والبلاء أنا اسف طولت عليكو كثير
واليوم رح نعمل عجينة ونشكلها ونفرزها لوقت الاستخدام يعني لو حبيبتي تشكلي اطباقك برمضان عالفطور او لسحور بتكون جاهزة ومابتاخذ وقت منك بتلاقيها جاهزة
اول شي بنبلش بالعجينة بجاط بنضيف الطحين والخميرة والسكر والملح وحليب البودرة وبنخلطهن وبعدين بنضيف اللبن والزيت بنصير نزل المي بتدريج وبنعجن للحنا تصبح عنا عجينة ملساء ناعمة ومطاطية لاتلزق بأيدينا بندهن الوعاء بزيت ويتركها ساعة تختمر وبنشكلها وبنحشيها وبنحط بالصينية نايلون غذائي وبنصف الفطائر بيها وغطيهم وحطيهم بالفريزة وبس يجمدو عبيهن بأكياس مونة وقت الحاجة بتطلعيهم قبل بوقت وصفيهم بصواني مدهونة زيت وغطيهم وتركيهم حتى يرجعو يتخمرو أما يلي بحب مايحشيهم ويعملهم اقراص بس تخمرو بعدماطالعتيهن من الفريزة وزعي الحشوة يلي بتحبيها وبتدخليهن الفرن
وان شالله صحة وهنا
