طريقة مجدرة البرغل طمعها روعه ملكة تحضيرات رمضان
طريقة مجدرة البرغل طمعها روعه ملكة تحضيرات رمضان
طريقة مجدرة البرغل طمعها روعه ملكة تحضيرات رمضان
المقادير
- 2 كوب عدس بني حب
- 3 كوب ونصف برغل خشن
- 2 حبة بصل وسط مفرومين
- زيت زيتون أو زيت ذره
- ملح حسب الحاجه
- فلفل اسود
- كاري
- كركم
- كمون
- بكيت ماجي اختياري
- للتقديم أختياري :
- سلطه
- لبن زبادي
- للتزين أختياري :
- شرائح ليمون
- شرائح فلفل ملون
- شرائح بصل
الخطوات
السلام عليكم ويسعد أوقاتكم بكل الخير
اليوم بقدملكم طريقة مجدرة البرغل والطعم اكثر من راااائع كثير زاكيه وطيبه وسهله وتقدم عالافطار رمضان كوجبه رئيسيه او جانبيه يعني نوع من التغيير عن الطبخات االدسمه وااكيد كلكم بتعرفو طريقتها بس حبيت اقدملكم طريقتي ان شاء الله بتعجبكم
يلاااا نشووف الطريقه ….
& بنغسل العدس وبنغمره بالماء وبنضعه عالغاز لحتى يغلي بنضيف عليه رشة ملح وفلفل اسود وكاري وكمون وبتركه يغلي عالنار وسط لحتى يستوي واذا احتاج ماء بزيديه خلال ما هو عم يغلي لانه بدنا المي يلي عليه لطبخ البرغل
& بفرم البصل وبقليه بزيت زيتون (الاصل استخدام زيت الزيتون ) ألذ وأطيب مع البرغل وممكن استخدام زيت الذره ..بعد ما يتقلى البصل وياخذ لون ذهبي بضيف عليه رشة ملح وفلفل اسود بحسب حساب انه ضفنا عالعدس كمان ملح وبهارات وبضيف كاري وكركم وبكيت الماجي والبرغل المغسوول فقط وبقلبهم سوا لمدة دقيقتين ثم بضيف عليه العدس مع الماء يلي معه وبحركهم مزبوط وبزيد ماء عاديه اذا ما غمرته ماء العدس بغمره بالماء وبزبط الملح بعد التذوق وبتركه عالنار وسط لحتى تتنشف الماء عنه بخفض النار تحته لاخر شي وبتركه لحتى يستوي تماما ويقدم مع السلطه واللبن وزينته بشرائح الليمون والفلفل الاخضر والبصل ..والبصل كثييير طيب مع البرغل
وصحه والف عافيه جربوهاا كثييير طيبه
دمتم بكل الخير ورمضان كريم ومبارك علينا وعليكم ( اللهم أدمها من نعمه واحفظهاا من زوال)
