مقبلات سلطة الجزر والخيار بتتبيله لذيييذه جدا ملكة رمضان

المقادير

• 2 حبة جزر
• 2 حبة خيار
• ربع كوب كاتشب
• ربع كوب دبس رمان
• 2 م.ك.صويا صوص معتدله أختياري
• م.ك.ملح
• م.ك.نعنع ناشف
• م.ص.كمون
• م.ص.سكر
• م.ص.ثوم مهروس
• 2 م.ك.زيت ويتون
• 2 م.ك. خل
• 2 م.ك. عصير ليمون

الخطوات

السلام عليكم ويسعد أوقاتكم بكل الخير

اليوم بقدملكم سلطة الجزر والخيار صحيح هي بسيطه وسهله وما بدها وصفه بس السر بالدريسنج يلي بنتبلها فيه وحبيت انزلها الكم لانه طعمهاااا رهيييب بجد رهييب جربوها واحكمو بنفسكم وان شاء الله راح تعجبكم

يلاااا نشووف الطريقه ….

& بنحتاج لحبتين خيار وحبتين جزر حجم وسط بنقطعم لدوائر رفيعه (ممكن التقطيع يكون حسب الرغبه بس هيك تغير عن المعتاد ) وطبعا الكميه حسب حاجتكم بتقدرو تزيدو بالكميه مثل ما بدكم

بعد ما اقطع الجزر والخيار بجهز الدريسنج الرهييب وهو اضافة جميع مكونات يلي بالمقادير وبخلطهم سواا لحتى يتجانس الخليط مع بعضه

وبضيفه عالخضار وبخلطهم سوا مزبوط وبس طبقنا صار جااهز معنا ولااا اسهل من هيك سلطه كمقبلات تزين سفرتنا برمضان وبالأخص اذا كان عندك عزيمه كثير زااكيه وطيبه عالسفره وتغير عن المعتاد …

& ممكن تجهيز الخضار وتقطيعها وتجهيز الدريسنج ووضعهم بالثلاجه لحين وقت التقديم بنخلطهم وبنقدمهم هيك بتطلع ألذ من انه نجهزها قبل بوقت كثير من التقديم

ووممكن تتحكمو بالكميات حسب رغبتكم وحسب حاجتكم بس حبيت اعطيكم الفكره وأفيدكم فيها

جربوها ما راح تندمو

دمتم بكل الخير

(اللهم أحفظها من نعمه وأدمها من زوال )