مكمورة البطاطا بالثوم والكزبرة ملكة رمضان

المقادير

• نص كيلو بطاطا
• ملعقة ثوم مهروس
• ملعقة صغيرة كزبرة مطحونة
• ملعقة كمون مطحون
• ملعقة فليفلة مطحون
• ملح

الخطوات

بسم الله الرحمن الرحيم

السلام عليكم ورحمة الله وبركاته

يسعداوقاتكم بكل خير كيفكم كيف الصيام معاكو

اليوم رح اعمل اكلة أنا بذات بحبها كانت امي الله يرحمها دائما تعملها وبالأخص برمضان كانت إلها طعم خاص من تحت ايديها الخطوات سهلة ومابتاخذ وقت كثير لتحضيرها وطبق شهي بين اطباقك بسفرة رمضان الفضيل أول خطوة بنقشر البطاطا.وبنغسلها وبنصفيها وبنحطها بجاط ونحط ملح وبنكون حطينا الزيت عالغاز بنقليها نص استواء وبنطالعها بنحط بطنجرة نص كاسة زيت وبنحط الثوم المهروس والكزبرة وبنقلبهم مدة ثواني وبنضيف البطاطا والكمون والفيلفلة المطحونة وبنحركهن وبنضيف نص كاسة مي وبنغطيها وبنتركها على نار هادية بس تشرب المي وتستوي

وبتتقدم معها سلطة أو لبن حسب الرغبة وان شالله صحة وهنا