كباب هندي ملكة رمضان

المقادير

• نصف كيلو لحمة مفروم ناعم
• نصف كيلو بندورة مفرومة ناعم
• 3 حبات بصل
• ضمة بقدونس مفروم
• حبة فلفل أخضر
• زيت اونى
• بهار مشكل
• فلفل أسود
• ملح

الخطوات

السلام عليكم ورحمة الله كيف حالكم ياشيفات

ان شاءالله تكوني بألف خير

صياماً مقبول وأفطارً شهي

اليوم حبيت قدملكم هالوصفة السهلة والذيذة

انا دخلت ع المطبخ وكنت محتارة شو حضر للإفطار خطر ع بالي هالأكلة السريعة والذيذة

يلا نبلش بالتحضير:

في وعاء منخلط اللحمة وبصلة مفرومة ناعم والبقدونس والملح والبهارات يلي ذكرناها

بصينية الفرن منحط معلقتين زيت و منأخد قطعة لحمة ومنشكلها متل يلي بالصورة لتخلص الكمية ومناخدالصينية ع الفرن ليتحمرو ويستوي

بهاالأثناء منفرم بصلتين جوانح و حبة الفلفل الاخضر والبندورة كلهم مفرومين

وبطنجرة على النار منضيف معلقتين زيت والبصل والفلفل الاخضر والبندورة ومنحركهم ومنضيف عليهم رشة فلفل أسود وملح حسب الرغبة منركهم مدة 10 دقائق

منرجع ع الصينية يلي بالفرن منشيل اللحمة منها بعد الأستواء ومننزل بالصينية نفسها البندورة يلي طبخناها على النار ومنحركم مع الدهن يلي نزل من اللحمة مشان تاخد نكهة اللحم ومنرتب اللحم على الوجه وعلى الفرن مدة 10 دقايق

يقدم بجانبها الأرز بشعيرية

بتمنى تكون عجبتكم طريقتي وتعطوني رأيكم بالتعليقات ولاتنسوني من صالح دعائكم بهالايام الفضيلة أنو رب العالمين يجمعني بأهلي واخواتي ويجمع كل مغترب ب أهلو وبلدو