حلو سهل وسريع لسفرة الافطار ملكة رمضان
حلو سهل وسريع لسفرة الافطار ملكة رمضان
المقادير
- كوب سميد
- ١/٣كوب طحين
- ١/٣ معلقة صغيرة خميرة
- ٣/٤ كوب ماء فاتر
الخطوات
السلام عليكم ورحمة الله وبركاته
أكيد كل سفرة برمضان مالازم تخلى من الحلويات اليوم حبيت اقدملكم حلو سهل وسريع بيشبه كتير المشبك السوري بس فيكي تشكليه بأي شكل بتحبيه وبالذات اذا مابتقدري تعمليه قرص كبير
أول شي منحط السميد والطحين والخميرة سوا ومنضفلهم المي ومنخلطن سوا لحتى يمتزجو منيح كتير ومنتركهم ١٠ دقايق وبعدا بزيت حامي نص حماوة يعني مو سخن كتير منبلش ننزل العجينة اللي منحطها بقالب الحلواني او بكيس فريزر مقصوص من جنبو ومنعملهم عشكل مستقيمات او حلقات متل مابتحبو وبس اخدت لون ذهبي منحطهم بقطر (شيرة)باردة لمدة دقيقتين وبعدها منصفيهم من القطر ومنحطهم بصحن التقديم وانا رشيت عليهم شي بسيط قرفة بودرة عطتهم طعمة ولاأطيب وبيطلعو بيقرشو قرش يم يمييييي
بالنسبة للقطر مكوناتو ٣ كاسات سكر وكاستين مي ومعلقة حمض ليمون ومنتركهم يغلو على نار متوسطة مدة ٧ دقايق….
بتمنى تجربوها وتعجبكم
لاتنسونا من دعواتكم
صيام مقبول وافطار شهي للجميع بإذن الله
