بيتزا وما ادراك ما بيتزا ملكة رمضان
بيتزا وما ادراك ما بيتزا ملكة رمضان
المقادير
- بيضة
- نص كاسة زيت
- معلقة وشوي خميرة فورية
- معلقتين سكر
- رشة ملح
- ٣ ملاعق لبن رايب
- ماء فاتر
- للحشوة كتشب او صلصة بيتزا
- مرتديلا شرائح
- جبنة موزريلا او اي جبن موجود عندك
- فطر فريش او معلب
- بصل شرائح رفيعة
- بندورة شرائح رفيعة
- فليفلة خضرا شرائح رفيعة
- زيتون اسود مقطع ذرة مقدار نص كوب
الخطوات
نعجن العجين نضع على جاط عميق كاستين مي فاترة
وبنحط معلقة وشوي خميرة
و معلقتين سكر
مقدار كاسة طحين وبنحركهن ليصيرو عجينة شبه سائلة
وبغطيها مدة ١٠ دقايق
بعد ما نشوف اخمر وطلع فقاعات بنحط بيضة واللبن الرايب والزيت والملح وبنعجنها وبنبلش نضيف الطحين ونعجن لازم يكون عنا العجينة متماسكة بغطيها وبنتركها ربع ساعة ليتضاعف حجمها
بعد الاختمار
بندهن صينية الفرن بلزيت وبنمد العجينة سمك نص سم
بندهنها كتشب ورشة جبنة خفيفة وبنمد المرتديلا
والفطر والبصل والبندورة والذرة في ناس ما بتحب الذرة انا علمت صينية بذرة وصينية بلاها وبنشبعها جبنة ع الوجه وبنزينها بلزيتون والفليفلة
وع فرن حامي مسبقا النار من تحت لحين الاستواء وبعدين من فوق شي ٣ دقايق بس ما بدي يتحمر الوجة لنحافظ ع الالوان الرائعة وتقدم ساخنة وصحة والف هنا
