فول بطحينية ملكة رمضان
فول بطحينية ملكة رمضان
المقادير
- علبة فول حبة كبيرة
- كاستين لبن
- كاسة طحينية
- ملعقة صغيرة ثوم مهروس
- نص ملعقة صغيرة ملح
- نص ملعقة صغيرة كمون مطحون
- نص ملعقة صغيرة فليفلة محطونة
- عصرة ليمونة
الخطوات
بسم الله الرحمن الرحيم
السلام عليكم ورحمة الله وبركاته
اليوم طبقنا سهل كثير ومابياخذ وقت وطبق جانبي مميز بسفرة رمضان واكيد كلنا بنعرف طريقتو أول خطوة بنفضي علبة فول بمقلة وبنحطها عالغاز وبجاط بنضيف بجاط كاستين لبن وبنخفق لحتا تختفي كل التكتلات بنضيف كأس طحينية والثوم المهروس وعصرة ليمونة وبنحركن وبس يصير عندي خليط ناعم كريمي بنضيفو على الفول وبنحرك وهو عالغاز كثافة الخليط انتو بتتحكمو بي حسب رغبتكو إذا حبيبو
زيدو مي بالتدريج حتى تحصلو على الكثافة المطلوبة وبصبو بصحن التقديم وبنضيف عليه الكمون والفليفلة المطحونة وبنضيف الزيت وهي طبقنا جاهز أن شالله يعجبكم
