عوامه
عوامه
المقادير
- كوبين طحين
- نص كوب سميد
- ملعقتين كبيرتين نشا
- ملعقه كبيره سكر
- ملعقه كبيره خميرة
- ملعقتين كبيرتين حليب بودره
- رشه ملح تقريبا
- كوبين مي ..حسب الحاجه لحتى تصير العجينه سائله
الخطوات
بسم الله الرحمن الرحيم
بحط جميع المقادير الجافه مع بعض واخلطهن وبنزل عليهم المي واعجنهم عجينه سائله …اتركها ترتاح من ربع ساعه لثلث ساعه وببلش فيها شغل
بسخن الزيت واحرك العجينه واطلع منها الهواء وامسك العجينه بين ايدي واقطع بالملعقة العجينه وعلى الزيت على طول واكون حاطه جنبي صحن صغير فيه زيت قلي وكل شوي اغطس الملعقه فيه حتي العجينه ما تلزق وبسهوله تنزل معي بالزيت واكرر الحركه حتي تخلص كل العجينه طبعا يكون القلي على مرحلتين يعني المرة الاولى لحتى تنفخ العجينه وتتشكل بس اطلعها من الزيت وبس اخلص الكميه برجع اقليهم مرة ثانية حتى تاخذ لون ذهبي وانزلهم على قطر بارد
وصحه وهنا يا رب …أن شاء الله اكون شرحت الطريقه كويس
