بروستد الذ وصفة ملكة رمضان

المقادير

• صدور دجاج
• ملعقتين خل ابيض
• طحين متعدد الاستعمال
• بقسماط او كعك ناعم
• كاسة ونص مي باردة
• بهارات معلقة كبيرة فلفل أسود معلقة كبيرة بهارات مشكلة معلقة كبيرة بابريكا حلوة معلقة كبيرة كزبرة حب انا طحنتو ناعم
• ملح معلقة كبيرة نشا سر قرشة الدجاج
• سنين توم مهروسة
• زيت غزير للقلي

الخطوات

نقطع صدور الدجاج شرحات متوسطة لا رفيعة ولا سميكة

بننقعها بلمي الباردة ومعلقتين خل ابيض شي نص ساعة

بعدين بنغسلها وبنتركها بمصفاة لينشف منو المي

بنحط بجاط عميق مقدار كاستين كبار طحين

وبجاط تاني بنحط بقسماط او الكعك الناعم

وبنوزع كل البهارات والملح نص بلنص على جاط الطحين والنص التاني على جاط البقسماط واذا ما وجد عنا بقسماط بيصير نحط كمان طحين

الجاط يلي فيها بقسماط بنحركها مع التوابل وبنتركها على جنب

والجاط يلي فيها طحين بنحركها مع التوابل ومعلقة النشا وسننين توم مهروس جيدا وبنحط عليها مي وبنحرك ليصير عنا متل سماكة اللبن الرايب بدون تكتلات وبنحرك مزبوط

بنجيب صدور الدجاج وبنغمسها بخليط الطحين والمي بعدين بنشيلها وبنصفيها وبنحطها بخليط البقسماط ومباشرة على القلي بزيت ساخن ما يكون حامي كتير حتى ما نحرق قطعة الجاج من برا ويبقى نية من جوا هيك لنخلص كل الكمية وتقدم ساخنة مع البطاطا المقلية والمايونيز والكتشب والصلطة والف هنا عليكم