الكبة على طريقتي وسر نجاحها ملكة رمضان
الكبة على طريقتي وسر نجاحها ملكة رمضان
المقادير
- نصف كيلو برغل ناعم اصفر
- نصف كيلو برغل ناعم اسمر عمقي
- كاس رز
- ملعقة ملح
- ملعقة فليفلة مطحونة
- ملعقة كمون مطحون
- حبتين بصل
- للحشوة:
- كيلو لحمة ناعمة
- ثلاث حبات بصل
- ملعقة ملح
- ملعقة فلفل اسود مطحون
- الكبة بالبن بيلزمنا:
- كيلو لبن
الخطوات
بسم الله الرحمن الرحيم
السلام عليكم ورحمه الله وبركاته
يسعد اوقاتكم بكل خير من اشهر أطباق رمضان الكبة المقلية ولهيك حبيت اقدملكو طريقتي الخاصه واهم الملاحظات لنجاحها وسر القرشة الطيبة للكبة ورح احكيها مع المراحل
اول مرحلة نبلش بيها تحضير الحشوة بنفرم البصل ناعم وبنحط ملعقة كبيرة زيت أو سمنة وبضيف عليها البصل وبنحرك لحتا يذبل البصل ويتحمر بنضيف اللحمة وبنحرك وبنتركها على نار هادئة وبنحركها كل شوي لحتا تتنشف من المي بنضيف الملح وبنحرك وبضيف الفلفل الاسود المطحون ويلي بحب يضيف اي نوع من المكسرات حسب الرغبة والخطوة الثانية بنحضر البرغل بنحط بجاط البرغل وبنضيف عليه مي من الحنفية يعني كمية المي شي انهاتبلل البرغل وبتركو منقوع شي ثلاث ارباع الساعة وهون بحط كأس رز وبضيف عليه مي تغمرو وبنحطو عالغاز وبنسلقو لحتا تستوي حبة الرز أو البديل رغيف خبز منقوع وهذا بيعطي الكبة دباقة والتماسك وهو بديل الهبرة وبنطحن البرغل بفرامة اللحمة مرتين وبنبلش بتشكيل الكبة قسم بشكلو على أيدي وقسم ثاني بشكلو بقالب بيجي مع فرامة اللحم وقسم شكلتن حبات صغار شوي هذول بدي احطهن بالبن قبل ماحطوبالبن بحط بطنجرة مي وبضيف عليها ملعقة ملح وبضيف حبات الكبة وبسلقن لمدة ثلاث دقائق فقط بعدين بحطن عاللبن المغلي السلق بيجعل حبات الكبة متماسكة وما بتفرط والكبة المقلية بقليها بزيت حامي بالبداية وبعدين بهدي عليهن الغاز شوي البرغل الاحمر هو يلي بيعطي الكبة القرشة الطيبة
وقسم عبيتو أطباق وبفرز لوقت الحاجة أنا اسفة اني طولت عليكم بالشرح بس منشان اعطيكو كل الملاحظات وان شالله صحة وهنا
