مامونية اطيب وأخف وجبة سحور ملكة رمضان

المقادير

• كأس سميد
• ملعقة سمنة كبيرة
• القطر ست كاسات ماء
• كاس ونصف سكر

الخطوات

بسم الله الرحمن الرحيم

السلام عليكم ورحمة الله وبركاته

يسعد اوقاتكم بكل خير اليوم رح نعمل طبق خفيف وسريع التحضير كطبق يقدم وجبةللسحور وهذا الطبق مشهور بحلب وكانت مطاعم تقدمه وجبة وهذا الطبق اسم مامونية البعض يسميه حلاوة سميد ونحنا نقدمه بجانبه جبنة حبيت اقدملكو طريقتي أول خطوة بنحط الماء والسكر وبنحطن عالغاز وبعدين بنحط بمقلاية ملعقة سمنة وبس تذوب بضيف السميد و بنحرك باستمرار تصير عندي لون السميد ذهبي بضيف عليها القطر طبعا حلاوتها حسب الرغبة يلي بحب يزيد اويقلل وبنتركن يغلو لحتا تتفتح حبات السميد وتشرب المي وتصير بالسماكة المرغوبة وبطفي عليها وبقدمها بصحن التقديم تزين بالقشطة اوالقريشة ورشة قرفة مطحونة حسب الرغبة وتقدم بجانبها الجبنة تكون منقوعة أنا بنقع الجبنة قبل بساعات منشان تروح الملوحة منها طبق سهل وسريع التحضير وبشهي طعم المامونية مع الجبن طعم طيب وبالأخص إذا كانت طعمة السمنة طيبة جربوها وإن عجبتكم ادعولي وصحة وهنا