ورق عنب وكوسا محشي ملكة رمضان
ورق عنب وكوسا محشي ملكة رمضان
المقادير
- 6 اكواب أرز مصري
- كيلو ورق عنب مفرز
- 2 كيلو كوسا
- نصف كيلو لحمة مفرومة ناعم
- شرحات لية ( أختياري)
- ملعقة بابريكا
- ملعقة فلفل أسود
- ملعقتين زيت
- ملعقتين سمنة
- ملح حسب الرغبة
- عصير ليمون
الخطوات
السلام عليكم ورحمة الله كيف حالكم ياصبايا
اول شي منغسل الأرز كتير منيح وبعدها مننقعو لمدة ربع ساعه بالماء
منضيف عليه اللحمة والبهارات المذكورة والملح حسب الرغبة والزيت السمنة ومنخلطها جيداً
انا أستخدمة ورق العنب المضغوط بقوارير الماء الفارغة ( قنينة المي) بطنجرة على النار منضيف ماء ومنخليه يغلي ومننزل ورق العنب ومنغليه غلوتين ومناخدو ع ماء بارد ومنصفيه من الماء
ومنبلش لف الورق بالطريقة التقليدية لتجهز كل الكمية
ومنحفر الكوسا ومنحشيها
منرتب ورق العنب بقاع الطنجرة ومنصف شرحات اللية ومنرجع منرتب الكوسا ومنصف شرحات لية
منحط تقل ع الوجه ومنغمرها بالماء ومنضيف الملح وعصير الليمون ومناخد الطنجرة على النار ومنخليها ساعه ونصف
بتمنى تعجبكون طريقتي وصحتين وهنا ع قلوبكم
