طريقة عصير وحلا مهلبية قمر الدين روعه ملكة رمضان
طريقة عصير وحلا مهلبية قمر الدين روعه ملكة رمضان
طريقة عصير وحلا مهلبية قمر الدين روعه ملكة رمضان
المقادير
- 2 بكيت قمر الدين
- 5 م.ك.سكر
- 3 لتر ماء
- لعمل المهلبية بنحتاح :
- لتر حليب سائل = 4 اكواب ماء + كوب حليب بودره
- نص كوب نشا
- كوب الا ربع سكر
- لمهلبية قمر الدين :
- 2 ونص كوب عصير قمر الدين
- 2 ونص م.ك.نشا
- 3 م.ك.سكر
الخطوات
السلام عليكم ويسعد أوقاتكم بالخير
اليوم بقدملكم عصير قمر الدين المنعش برمضان وكثير طيب ،،ومهلبية قمر الدين ولا اروع من هيك حلاا بعد الافطار ان شاء الله بتعجبكم الطريقه وبتجربوها
يلااااا نشوف الطريقه ……
& بنقطع قمر الدين لمكعبات وبنضع عليه لتر ونص مي وبضيفله السكر وبضعه عالغاز مع التحريك كل فتره عشان ما يلزق وبعد فتره من غليانه يعني لحتى يطرى معي تقريبا ثلث ساعه لنص ساعه ..بعدين بضربه عالخلاط بعد ما يكون برد شوي ..بعد ما ينخلط بضيفله كمان لتر ونص مي مجموع المي المضافه 3 لتر لانه استخدمت بكتين اما اذا استخدمتي بكيت واحد اكيد المي بدها تكون اقل..واضافة المي حسب ما بتحبو ثقله ممكن اقل من 3 لتر حسب رغبتكم بعد اضافة المي بحركه مزبوط وبتذوقه عشان اشوف حلاوته واضافة السكر بالمرحله اختياريه وما الها عيار بنضيف تدريجيا وبنعتمد عالتذوق افضل ..وممكن تكتفو بالسكر يلي اضفناه عليه مع الغلي وممكن تستغنو عن اضافة السكر نهائي لانه قمر الدين فيه نسبة حلاوه حسب رغبتكم …هيك بكون جاهز معنا العصير بنفرغه بقوارير الماء او شاف العصير وبندخله الثلاجه لحتى يبرد
& بننتقل لطريقة عمل مهلبية قمر الدين وكثييير سهله وبسيطه …بنضع لتر حليب ما يعادل اربع اكوب من المي عليهم كوب من الحليب ما يعادل 10 ملاعق حليب بودره
(وممكن استخدام الحليب الجاهز السائل )
وبضع عالحليب نص كوب نشا وسكر تقريبا كوب من السكر او حسب الرغبه وبحركهم مزبوط لحتى يذوب النشا والسكر،، وبضعهم عالنار وسط مع التحريك المستمر لحتى يثقل عندي القوام ويغلي كم غلوه بكون جاهز معنا بصبه بكاسات التقديم وبترك مجال لمهلبية قمر الدين بالكاسه
& مهلبية قمر الدين بكون ماخذه كوبين ونص من عصير قمر الدين قبل تبريده وبضع عليهم النشا والسكر وبحركهم عالبارد وبضعهم عالنار وسط مع التحريك المستمر لحتى يثقل معي القوام ويغلي كم غلوه وبصبه فوق المهلبيه وبوزعه عالكاسات وبعد ما تبرد الكاسات وتصير بدرجة حرارة الغرفه بدخلهم الثلاجه لحين وقت التقديم وهيك الحلااا صار جاهز معنا ان شاء الله بتجربوه وبعجبكم
دمتم بكل الخير
(اللهم أدمها من نعمه واحفظها من زوال )
