كرشات ولسانات باللبن وفتة بخبز الشراك ملكة رمضان

المقادير

• لسانات مغسوله ومنظفه كويس
• كرشات حسب افراد الاسره
• كيلو رز حبه فصيره للحشو
• ملح
• فلفل اسود
• قرفه عيدان
• ورق غار
• هيل حب
• بصلتين مفرومين خشن
• كركم
• كزبىه مطحونه
• بهارات مشكله
• حبتين بندوره مفرومين ناعم
• بقدونس مفروم
• حمص مسلوق
• زيت قلي
• لوز
• بقدونس للتزين
• خبز شراك حسب افراد العائله
• كيلو شنينه

الخطوات

السلام عليكم

بسم الله الرحمان الرحيم

اليوم حبيبات حبيت اقدملكم هالاكله الشعبيه بالرغم من صعوبة انحازها بس حبيت اعملها بناءا على رغبة ابني من زمان بطلبها لدرحة انه راح اكلها بالمطعم وما عحبته ابدا وكاتت غاليه جداما حبيت تضل بنفسه وبالرغم من كل هالتعب الصبايا بختفو عند الاكل لانهم ما برغبوها ابدا

بلا حكي ام علاء ادخلي بالموضوع قد ما بتحكي..ههههه

تعالو نشوف الطريقه

طبعا اللسانات نقعتهم بالمي والملح والخل نص ساعه وغسلتهم عدة مرات وفركتهم بالملح والليمون وشوية والحين لما صاىو غيرشكل

الكرشه اجت نظيفه غلتها عدة مرات وكشطت الدهن الموجود عليها من الداخل سخنت مي طبعا كنت مقطعه الكرشه حوالي اربع قطع لانها كبيره وحتى يسهل تنظيفها نزلتها قطعه قطعه بالماء الساخن لمدة عشر ثواني فقط لكل قطعه وشلت الاسود الموجود عليها الحمد لله كان تنظيفها سهل وغسلتها عدة مرات ونقعتها بالملح والليمون طول الليل لدرجة انه ريحتها صار كلها ليمون بليمون

وجهزت الحشوه المعروفه للمحاشي

وقطعتهم حسب الحجم الي بدك اياه وخيطتهم وحشيهم

خلصنا من الحشي والتنظيف اجا دور الطبخ

طبعا جهزت طنجرتين على النار حطيت فيهم مي وحده للمحاشي وحده للسانات نزلتهم فيهم ولما غليو شلت الزفر عن الوجه ونزلت عليهم ورق الغار والبصل المفروم والهيل وعيدان القرفه والفلفل الاسود والبهارات المشكله وطيت عليهم النار على الوسط وتركتهم حتى نضجو في هذه الاثناء جهزت اللبن بعد ما خفقتو بمعلقة نشا حطيتها على البارد وحركتها مزبوط وقمت بغلي اللبن وضفتو للمحاشي واللسانات بعد ما خففت من شوربتهم وتركتهم بتسبكو شوي مع بعص

بحضر صينيه وبحط فيها خبز الشراك المقطع واذا بتحبي خبز محمص حطي وبنضيفلها الشوربه وهي سخنه وبصف اللسانات ولحمة الراس فوقها وبزينها باللوز والبقدونس وشوية سمن بلدي واذا بتحبي اي اضافات حطي وبتتقدم ساخنه مع المحاشي والف صحه وهنا

سامحوني على الاطاله لانها اكله دسمه بدها شرح وافي

تقبل الله من ومنكم صالح الاعمال

استودعتكم لله