شيخ المحشي كوسا ملكة رمضان
شيخ المحشي كوسا ملكة رمضان
المقادير
- ٢ كيلو كوسا حبة صغيرة
- ٢ كيلو لبن (زبادي)
- ٥٠٠ غرام لحمة مفرومة
- بصلة متوسطة الحجم
- جوز كمية كافية للحمة الحشو
- سبع بهارات نص ملعقة صغيرة
- ملح حسب الرغبة
- ملعقة صغيرة نعناع ناشف
- ٤ فصوص ثوم مهروسين
الخطوات
السلام عليكم عزيزاتي وأخواتي مشتركات زاكي اليوم اكلتنا فخمة ومرتبة وبنفس الوقت مو صعبة عملتا اليوم بناء على طلب الجمهور عندي بالبيت ههههههه .
اول شي الكوسا منغسلو ومنحفرو ومولازم الحفر يكون زيادة يعني لازم شوي تضلها الكوساية فيها سماكة بسيطة.
بعدها منجهز الحشوة اللي هي عبارة عن لحمة مفرومة والبصلة منفرمها ناعم ومنقليهم عالنار ومنضفلن رشة سبع بهارات وملح ومنتركهم يستوو شوا ومنكون قطعنا جوز منضيفها للحشوة وبعدها منتركهم شوي يبردو لنقدر بايدنا نحشي .
اللبن منحطو بطنجرة وعالبارد منخلط معو ٤ معالق كبار طحين (دقيق) وبعدها منشغل النار ومنصير نحرك باستمرار لحتى يغلي اذا حسيتو اللبن سميك منضفلو مي مغلية لحد مانحس انو سماكتو مناسبة مع التحريك المستمر بعدها منضفلو النعناع والثوم والملح ومنتركو يغلي لوقت يعقد منطفي تحتو .
الكوسا منحشيه اللحمة ومنمليها منيح كتير وحطيتن بصواني فرن ودهنت وجههم بزيت ومندخلهم الفرن على حرارة ٢٠٠ لنصف ساعة انا هيك اخدو معي بالفرن لحتى اتستوو منيح بعدها بطالعهم من الفرن وعاللبن مباشرة وبشغل النار تحت اللبن لحتى يغلو شوي على نار هادية والكوسا واللحمة يتشربو من اللبن بتصير طعمتن ياعيني شي بشهي .
ومنعمل جبنهم رز وصحة والف هنا عقلوبكم
دعواتكم وصيام مقبول يارب من الجميع…..
