طريقة اقراص البطاطا للسحور بطعم لذيذ ملكة رمضان
طريقة اقراص البطاطا للسحور بطعم لذيذ ملكة رمضان
طريقة اقراص البطاطا للسحور بطعم لذييييذ ملكة رمضان
المقادير
- 7 حبات بطاطا حجم وسط
- بيضه
- 2 ونص م.ك. نشا
- م.ك.ملح
- م.ك.فلفل اسود
- م.ك.بابريكا
- زيت ذره للقلي
- كميه من شيبس الذره المطحون أختياري
- بيضه عليها ملح وفلفل لتغميس البطاطا أختياري
الخطوات
السلام عليكم ويسعد أوقاتكم بالخير
اليوم بقدملكم وصفه طيبه للسحور او كطبق جانبي بالافطار كثييير طيبه ولذيذه ان شاء الله بتعجبكم
يلاااا نشووف الطريقه ……
& بنقشر البطاطا وبنسلقها مع رشة ملح لحتى تستوي بس ما تكون ذايبه كثير ،،،بعد ما تستوي بنشلها من المي وبتركها تبرد شوي عشان اقدر ابرشها ..بعد ما تبرد ببرشها او بهرسها اهم شيئ تكون ناعمه وما يكون فيها قطع
بضيفلها بعد الهرس الملح والبهارات يلي بتفضلوها انا ضفتلها بابريكا وفلفل اسود ..وممكن اضافة بودرة الثوم والبصل ،، وبضيف بيضه والنشا وبعجنهم مزبوط لحتى تتشكل معي عجينه تقريبا وتتجانس مع بعض ..بدهن ايدي زيت وببلش اشكلها عالشكل اقراص صغيره او حسب الرغبه ..كل كم حبه بضل ادهن ايدي زيت عشان ما تلزق وبعد ما اخلص الكميه كامله بضعها بالفريزر وبضع الزيت عالنار لحتى يسخن الزيت بطلعها من الفريزر وبضعها بالزيت الحامي عالنار وسط ولما تتحمر بقلبها وبخليها لحتى تتحمر من الجهتين وبطلعها عالفاين المطبخ وبتكون هيك جاهزه معي كثييير طيبه مع كاسة شاي
& فيه جزء غمسته بالبيض وبعدين بشيبس جبنه مطحون كثييير طلعت زااكيه وطيبه ..وممكن تغميسها بالبيض والطحين او البقسماط …
وصحه والف عافيه وصفه خفيفه ولطيفه وطيبه
دمتم بكل الخير
( اللهم أدمها من نعمه واحفزها من زوال )
