مهلبية قمر الدين ملكة رمضان
مهلبية قمر الدين ملكة رمضان
المقادير
- الطبقة الأولى:
- كل كاسة حليب كامل الدسم بدها
- ملعقة كبيرة نشا
- ملعقتين كبار قشطة
- سكر
- ربع ملعقة صغيرة ماء زهر
- الطبقة التانية:
- كل نص كاسة عصير قمر الدين تقيل بدها
- نص كاسة حليب سائل
- ملعقة كبيرة نشا
- سكر
- الطبقة التالتة:
- كل كاسة عصير قمر الدين بدها
- ملعقة كبيرة نشا
- لتحضير قمر الدين:
- 400 غم قمر الدين مقطع
- اربع كاسات مية سخنة
- نص كاسة سكر
الخطوات
للطبقة الأولى
بتخلطي حليب و نشا و سكر على البارد بعدها على نار هادية مع التحريك المستمر ليغلي و يتكاثف بتضيفي قشطة و ماء زهر بتوزعيه بالكاسات وبتدخليهم التلاجة ليبردوا
الطبقة التانية
بتخلطي عصير قمر الدين و نشا و حليب وسكر على البارد بعدها على نار هادية مع التحريك المستمر ليغلي و يتكاثف بتوزعيه فوق الطبقة الأولى وبتتركيه يبرد
الطبقة التالتة
عصير قمر الدين مع نشا بتحركيهم على البارد بعدها على نار هادية مع التحريك المستمر ليغلي و يتكاثف بتوزعيه بالكاسات بتدخليهم التلاجة
بالهنا والشفا
عصير قمر الدين
قمر الدين مقطع بتنقعيه بمية سخنة و بتضيفيله سكر وبتتركيهم ليذوب بتحطيه بالخلاط
بالهنا والشفا
