فتة الحمص بطريقة مميزة ملكة رمضان
فتة الحمص بطريقة مميزة ملكة رمضان
المقادير
- كاستين حمص
- كاس لبن
- كاس طحينية
- خبز حسب الحاجة
- ملعقة ملح
- ملعقتين كبار عصير ليمونة
- ملعقة كمون
- ملعقة فليفلة مطحونة
- للزينة لحمة مفرومة ناعم
- لوز
- بقدونس
- ملعقة كبيرة من السمنة
- ملعقة ثوم مهروس
الخطوات
بسم الله الرحمن الرحيم
السلام عليكم ورحمة الله وبركاته
يسعد اوقاتكم احبتي في الله يعطيكو العافية
اليوم رح نعمل اطيب فتة حمص بطريقة مميزة وان شالله تعجبكم أول خطوة بننقع الحمص من قبل بليلة اقل شي بدها١٢ساعة وبعدين بتصفي منو المي وبنضيف عليه مي وبنحطو عالغاز وبنسلقو اول مايبلش يغلي منشيل الرغوة يلي عالوجه وبضيفلو كمون مطحون وبنتركو يغلي لحتا يستوي وبعدين بنقطع الخبز وبدهنو بملعقة زيت وبحطهن بالفرن لحتا ينشف الخبز وبعدين بنحضر للتشريبة بناخذ كاس من مية الحمص وبنضيف عليه الكمون وملعقتين من عصير
الليمون وملح وملعقة ثوم مهروس وبنحركن وبضيفن عالخبز لحتا يتشرب المي وبعدين بنحضر الطحينية بنضيف بشاف الخلاط الكهربائي كاس لبن وكأس طحينية وكاس من الحمص الحب ونص كأس من مية الحمص وبضيف عليها ملعقة ثوم مهروس وملعقة ملح وملعقة كمون وبخلطن لحتا تتجانس المكونات وبعدين بنضيف نص كأس من مكعبات الثلج الثلج بيعطي الحمص اللون الابيض وبخلطن وبنضيفن فوق الخبز وبعدين بقلي اللوز وبطالعو وبنفس السمنة بقلي اللحمة وبنزين الوجه باللوز واللحمة وحبات من الحمص والبقدونس المفروم والكمون والفيلفلة المطحونة
وفعلن جاط الفتة بزين السفرة وبالأخص العزائم
وان شالله صحة وهنا
