كرابيج حلب مشبك بمكونين فقط
كرابيج حلب مشبك بمكونين فقط
المقادير
- كاستين سميد خشن
- كاسة وربع ماء ساخن حسب استيعاب السميد
- زيت للقلي
- قطر
الخطوات
بسم الله الرحمن الرحيم
السلام عليكم ورحمة الله وبركاته
كيفكن شيفات زاكي العزيزات اليوم رح نعمل مشبك مشهور في حلب ومن أشهر الحلويات كان وأكثرها طلبا في شهر رمضان والطريقة يلي رح نعملها أكثر محلات الحلويات كانت تعملها ويلي كانو يعملو الخميرة من نفس العجينة يلي بيشتغلو بيها وهي التخمير الذاتي اول خطوة بنحط بجاط كاستين سميد وبنجيب مي سخنة وبنصير نزل شوي شوي لحتا يأخذها السميد كفايتو من المي وتتشكل عجينة وبنغطيها وبنتركها 24 أو أكثر لحتا يختمر السميد بنجيب كاستين سميد وبنصير نضيف عليهن مي سخنة وبنخلط منيح لحتا تتشكل عجينة طرية شوي وبنغطيها وبنتركها ترتاح عشر دقائق وبعدين بنصير نأخذ من الخميرة يليةعملناها من قبل بيوم ثلاث معالق وبنضيف وبنحطها بصحن وبناخذ قدر كأس من السميد يلي خلطناه وبنخلطهن مع بعض وإذا احتاجت مي بنضيفلو رشة وبنحرك وبنعبيه بكيس حلواني وبنشكلن بزيت حامي لحتا يستوي وبنطالعن وبنحطن بالقطر مدة دقيقة وبنطالعن وبنحطن بصحن
نجاح المشبك أو كرابيج حلب بيرجع لنوع السميد أنا حاولت اعطيكو اغلب التفاصيل لنجاحها وان شالله تعجبكم وصحة وهنا
