كيك سادة اقتصادي بطعم رائع ملكة رمضان
كيك سادة اقتصادي بطعم رائع ملكة رمضان
المقادير
- ثلاث بيضات
- كاستين طحين
- نصف كأس حليب
- نصف كأس زيت وكأس سكر
- ملعقة بيكن باودر
- ملعقة فانيلا
- برش الليمون
- ملعقة خل اببض
- رشة ملح
- صوص الشكولا
- نصف كأس حليب
- نصف كأس حليب بودرة
- نصف كأس كاكاو بودره
- نص كأس سكر بودرة
الخطوات
بسم الله الرحمن الرحيم
السلا عليكم ورحمة الله وبركاته
يسعد اوقاتكم احبتي بكل خير اخواتي العزيزات اليوم رح نغير عن القطايف والكنافة والمعروك رح رح نعمل كيك سادة على طلب ولادي بعشقوها لهي الكيكة وهي الطريقة يلي رح نعملها مابي داعي انك تطالعي البيض من قبل فورا من الثلاجة عالتحضير يلزمنا ثلاث بيضات طالعتن وحطيتن بجاط وحطيتو فوق جاط ثاني بي مي سخنة حطيت ملعقة فانيلا وبرش ليمونة وخفقتن ليصير عندي خليط رغوي كثيف بضيف عليه السكر وبخلط ليصير عندي خليط كريمي رغوي مائل للبياض هون بضيف نصف كأس الزيت وبنخلط وبعدين بضيف الخل ونصف كأس حليب يكون دافئ وبنستمر بخفقهن مع باقي المكونات لحتا يتجانسو وهون بننخل الطحين والبكن بودر وبصير نضيف الطحين على دفعات ونقلب بالملعقة بشكل دائري لحتا الطحين يختلط مع المزيج وبندهن القالب بمسحة زيت ورشة طحين وبنضيف الخليط بالقالب وبندخلوعلى فرن حامي مسبقا على درجة حرارة ١٧٠مدة ٤٥ دقيقة برف الوسط بس من تحت وبعد مايمضى الوقت لنتأكد من الاستواء وبنطالعو يبرد شوي وبنكون محضرين صوص الشكولا وطريقتو هي بنضيف حليب بارد والسكر البودرة بالخلاط الكهربائي وبنحلطهن منيح وبعدين بنضيف نص كأس حليب بودرة وبنخلط وبعدين بضيف نصف كأس كاكاو بودره وبنخلط منيح وهيك بيطلع صوص شكولا رائع بصير نستخدمو لجميع انواع الحلويات وبنزين الكيكة وبنتركها بالثلاجة لمدة ساعة والطعم فعلا ولااروع هي الطريقة بتفيدنا إذا قررنا فجأة بدنا نعمل كيك مابنكون مضطرين نطالع البيض ونستنا لحتا يصير بدرجة حرارة الغرفة
وان شالله تعجبكم وصحة وهنا
