شنكليش وع طريقتي ملكة رمضان

المقادير

• كيلو قريشة حلوة وهلق وقتها بموسم مونة الجبنة بيطالعوها من مصل مية الجبنة البيضة
• كيلو لبن مصفى من لبن البقر
• ملح خشن
• بهارات شنكليش جاهزة
• لتغطية الشنكليش:
• فلفل احمر حر
• فلفل احمر حلو
• زعتر اخضر

الخطوات

بنحط اللبنة والقريشة الحلوة بجاط غميق وبنملحها معليش تكون الملح شوي ظاهرة لانها بتصفي كل المي الموجودة عليها

وبندعكها للتختلط كل شي مع بعض لبنة وقريشة وملح صخري

بنحطها بكيس قماش لتصفي ميتها وبنتقلها بمكباس المحاشي

بنتركها يومين لتنزل كل المي وتصير ناشفة بنفضيها ع جاط وبنحط عليها بهارات شنكليش

وبندعكها مزبوط وبنكورها كور صغيرة وبنحط ورق نشاف من تحتها ومن فوقها لتسحب عنها المي اذا لسة موجود عليها

بعد بيوم بنغطيها بلفلفل الاحمر الحر وقسم تاني بلفلفل حلو وقسم تالت بلزعتر الاخضر وبنصفها بحافظة وبحفظها بلفريزة بدون اي زيت

وكل ما بدي استعلها بطالع وحدة وبحطلها زيت زيتون وتتقدم والف هنا