بسبوسة بالقشطة ملكة رمضان
بسبوسة بالقشطة ملكة رمضان
المقادير
- كاسة سميد خشن
- كاسة جوز هند
- كاسة لبن زبادي بدرجة حرارة الغرفة
- نص كاسة حليب باودر
- ربع كاسة زيت نباتي
- ربع كاسة سمنة مذوبة بدرجة حرارة الغرفة
- بيضة كبيرة عليها نص ملعقة صغيرة فانيلا سائلة
- نص كاسة سكر
- ملعقتين صغار ممسوحة بيكنغ باودر
- رشة ملح
- رشة خفيفة بيكنغ صودا
- طحينية لدهن قوالب
- قطر بارد
- للقشطة
- تلات ارباع كاسة حليب باودر
- تلات كاسات مية
- سكر
- ملعقتين كبار نشا
- ملعقة كبيرة سميد
- ملعقة كبيرة طحين
- ربع ملعقة صغيرة ماء زهر
- علبة قشطة 155 غم
- فستق حلبي
الخطوات
بتخلطي السميد مع الزيت و السمنة وبتتركيه خمس دقايق
بتضيفي باقي المكونات
بتوزعي نص الخليط بقوالب مدهونة بالطحينية بعدها القشطة الباردة و باقي الخليط
بتدخليها فرن حامي من قبل ربع ساعة 180 من الوسط بدها نص ساعة
بس تطلع بتشربيها قطر بارد وبتتركيها تتشربه وتبرد وبتدخليها التلاجة
للقشطة
بتخلطي المكونات على البارد بعدها على نار هادية مع التحريك المستمر ليغلي و يتكاثف بتضيفي علبة قشطة وماء زهر والفستق وبتتركيها تبرد
بالهنا والشفا
