قطايف بحشوات مختلفة ملكة رمضان

المقادير

• عجينة القطايف:
• ٤ كوب طحين
• ١ كوب سميد
• نص ملعقة صغيرة خميرة فورية
• ربع ملعقة صغيرة كربونات صوديوم
• ٣ كوب ماء دافئ
• ١ كوب حليب
• اول حشوة :
• جبنة التي تستخدم للشيز كيك
• ملعقتين سكر
• ملعقة جوز هند
• الحشوة الثانية :
• تمر
• جوز
• قرفة
• قطر ملعقتين
• الحشوة الثالثة :
• هي عبارة عن حليب لتر لعمل قشطة
• وملعقتين جوز هند
• ولتر حليب لتجانس القشطة

الخطوات

نضع كل مكونات العجينة في خلاط الكوكتيل ونخلطهم منيح كتير لمدة ٣ دقايق بعدها بملعقة نقوم بتحريك الخليط وامتحانه اذا كان جاهز بمنتصف الملعقة باصبعنا منمشي اصبعنا بحيث يصير متل خط عالمعلقة اذا ضل الخط موجود معناها الخلطة جاهزة اما اذا رجع اتصل معناها بدها تعديل (وهالشي بيرجع لنوع الطحين)

نترك الخليط على جنب لمدة ٢٠ دقيقة ..

ممعمل الحشوات اول شي الحليب منحطو عالنار لحتى يوصل لدرجة الغليان منحط عليه ربع كوب خل ونتركه حتى يبين انو فصل منحرك فيه لحتى تتجمع كل التكتلات وتصير عنا مي صفرا منصفيها بمصفاية ناعمة ونتركها على جنب لحتى تصفي كل ميتها

بعدها لتر حليب منحطلو ٤ معالق نشا منحلن بالحليب ومنحطن عالنار ومنضل نحرك لحتى نحصل على خليط سميك متل الكريمة منطفي النار ومنتركو يصير فاتر ومنخلطو مع القشطة اللي كسرناها من الحليب ومنخلطن سوا ومنضفلن جوز هند او بدون على حسب الرغبة

الحشوة التانية هي عبارة عن تمر منشيل منو النوى ومنقطعو بسكين ومنقطع معو جوز ومنحطلن قرفة ومعلقتين قطر ومنخلطن سوا وهي الخلطة جاهزة….

الحشوة التالتة اي نوع جبنة تستعمل للشيز كيك علبة كاملة مثلا ٣٠٠ غرام منحط عليهم معلقتين سكر وجوز هند ومنخلطن سوا وهيك الخلطة التالتة جاهزة…..

نحضر عجينة القطايف ومقلاية تيفال ونضعها على النار لحتى تحمى بعدها نخفض حرارة النار ونبدأ بالسكب وتشكيل الاقراص ووضعهم على منشفة الطبخ الخاصة بالأكل ومنغطيهم لحتى ماينشفو وبس خلصنا الكمية منبلش فورا بالحشي وبعدها منقليهم وبعدها عالقطر وتقليبتين وخالصين وصحة ومية الف هنا…….

ملاحظة :::

الحشوة اللي بدها كسر حليب يفضل تجهيزها قبل عمل عجينة القطايف لأنها تحتاج وقت….

لاتنسونا من دعواتكم……