جوانح دجاج حرة مقلية ملكة رمضان
جوانح دجاج حرة مقلية ملكة رمضان
المقادير
- ٢ كغ جوانح دجاج
- كوب بقسماط
- معلقة صغيرة من كاري فلفل أسود
- شطة حرة اختياري ٢ معلقة كبيرة
- ملح حسب الرغبة
- زيت غزير لقلي الجوانح
الخطوات
السلام عليكم ورحمة الله وبركاته اليوم علمت جوانح دجاج حرة مقلية فعلا تستحق التجربة ومضمونة ولذيذة جدا يلا نشوف طريقة التحضير
بنغسل الجوانح وبنحطها بطنجرة بنضيف مي باردة
و باقة عطرية لسلق جوانح الدجاج هيل قرفة قرنفل ورق غار بصلة ملح وفلفل أسود معلقة صغيرة كاري وبنشيل الزفرة وبنتركها لحين الاستواء او اقل بشوي
بنصفيها بمصفاة وبنغسلها وبنتركها تنشف بس شوي
بنرش عليها ملح وكاري وفلفل أسود وبنتبلها منيح
وبنرش عليها بقسماط وبنقلبها منيح بقلب وعاء غميق ليتغلغل عليها كل التتبيلة بنتركها حوالي ربع ساعة وبنبلش قلي بزيت حامي وغزير بعدين بنوطي
النار من تحتها شوي هي اكيد مستوية بس بدنا ياها تاخد قرمشة لذيذة بها القلية بنطالعها ع ورق نشاف
وتقدم بجاط التقديم مع الشطة والكتشب والمايونيز وسلطة الخضرة والبطاطا المقلية والكبة
والف هنا عليكم
