طريقة منسف تحضيرات العيد الاضحى المبارك…
طريقة منسف تحضيرات العيد الاضحى المبارك…
المقادير
- ٣ كيلو لبن
- ٢ كيلو شنينة
- كيلو رز
- ٣ ملعقة كبيرة نشا
- فستق
- لوز
- خبز شراك
- ملح
- بهارات منسف
- دجاجتين
- زيت نص كوب
- ضمة بقدونس
الخطوات
اول اشي بنجيب طنجرة ونحط فيها معلقتين زيت و بنحط جاج فيها وبعدين ملح وبهارات ونخليهم يتقلبو في زيت ..
وبعدين بنضيف المي تخلي يغطي الجاج وبتخلي يغلي بس يغلي بتوطي الغاز…
بعدين بنقع رز نص ساعة …
وبنخلط لبن مع النشا وبنحطهم على غاز وبتضلك تحركي فيهم ل حتى ايديك تتعب وانتي بتحركي فيه .
بعد ما يغلي لبن بكون استوى جاج ..
بنيجي ل رز بنجيب طنجرة بنحط فيها نص كوب زيت ورز وملح وعصفر وبتقلبيهم بعدين بتحطي المي المغلية على رز حتى يغمر ويغلي بعد ما يغلي بتوطي تحت الرز حتى يستوي..
بنجيب سدر بنحط فيه خبز شراك وبشربو شوربة جاج او لبن اذا بتحبي وبنحط رز على خبزات و جاج وزيني زي ما بدك بقدونس ولوز وفستق وصحة وعافية….
