دجاج محشي بفريكه خطوه بخطوه ومضمون
دجاج محشي بفريكه خطوه بخطوه ومضمون
المقادير
- دجاجه كامله منظفه ومنقوعه بليمون وخل (اختياري)
- البهارات للفريكه:
- ملعقه كبيره فلفل اسود
- ملعقه صغيره جوزة الطيب
- ملعقه صغيره هيل مطحون
- ملعقه صغيره بهار مشكل(اختياري)
- نصف ملعقه صغيره زنجبيل مطحون
- ملعقه صغيره ممسوحه كزبره مطحونه(اختياري) مش مهم الكزبره بس انا حطيتها ما بتاثر وبطعتي طعم زاكي
- ملعقه صغيره عُصفر (مهم)
- الخلطه لوجه الدجاج (اختياري) لانو بتقدري تدهني الجاجه باي اشي بتفضليه :
- باربكيو
- ملعقتين زيت زيتون او نباتي حسب الرغبه
- صويا صوص
- دبس رمان
- ملح
- كاتشاب
- مرق دجاج لكل كاسة فريكه كاسه الا ربع تقريبا مرق دجاج
- ملعقه كبيره سمن بلدي
- ملعقتين كبار زيت زيتون
الخطوات
السلام عليكم ورحمة الله وبركاته كيفكم جميعًا❤انا رؤى كنت بإسم فلسطينيه وافتخر وكنت انزل وصفات بس انقطعت فتره عن البرنامج وعائلتي اللطيفه في هاد البرنامج بسبب الدراسه وهيني رجعتلكم بوصفات جديده وحابه ارجع لعالم زاكي الجميل❤
وخلينا نبلش بالطريقه بالتفصيل ونقول بسم الله
١-اول اشي حبايبي بننقع الفريكه بماء ساخنه لمدة ساعه تقريبًا.
٢-تاني اشي بعد ما تنظفي الجاجه بنبهرها والبهارات هي نفس بهارات الفريكه بالاضافه للثوم البودره وبصل بودره بنوضع البهارات في صحن وبنخلطهم بإضافة زيت نباتي مشان تعطي لمعه للدجاج وبنفرك الجاج بالبهارات من برا ومن جواوبنخزق الدجاجه من كل الاماكن مشان تتشرب البهارات وبنتركها تتشرب البهارات ساعتين ل٣ ساعات
٣-تالت اشي بنحضر الفريكه كالتالي:
اول اشي بنحط بالطنجره الفريكه المنقوعه المغسوله بعد ما نصفيها من المي وبنحط البهارات المذكوره بالمقادير وبندير عليها مرق الدجاج(طبعا لكل كاسة فريكه كاسه الا ربع مي لان الفريكه ما بتاخد مي كتير زي الرز) ولما تغلي وتبلش تنشف ميتها بحضر على جنب قلايه وبحط فيها السمنه وزيت الزيتون وبحميهم وبس يحمو شوي بديرهم (زي قدحه)على الفريكه وبتركها لتستوي ثلثين استوى بس مش استوى كامل(لان الدجاج بنزل مي على الفريكه وبخليها تنضج وتتفتح بزياده)
٤-رابع اشي بنجيب الدجاجه المنقوعه بالبهارات وبندهنا من الوجه بخلطه حسب الرغبه انا دهنتها بصويا صوص مع باربكيو ودبس الرمان والملح والكاتشاب وزيت الذره واعطو لون بجنن وطعم زاكي
٥-خامس وآخر اشي بنحشي الدجاج بالفريكه وبنسكرها بعود خشب وبنربط ارجل الدجاجه(اجلكم الله) بخيط وبنحطها بصينيه وانا حطيت جمبها بقية الكميه من الفريكه ولفيتها بالقصدير وحطيت تحتها صينيه فيها مي ودخلتها الفرن مدة ساعتين لساعتين ونص بدرجة حراره٢٣٠ درجه مئويه بس انا فرني واطي وبطيء احتمال معكم يوخد وقت وحراره اقل
وصحتيين والف عافيه يا رب لازم تجربوها كتيير زاكيه ومضمونه متل المطاعم واكيد رح تعجبكم ان شاء الله❤❤
بالنسبه للصور بعض الخطوات ما كنت الحق اصورها ومرات انسى بس الخطوات بكل امانه وصدق كتبتها ومش ناقصه ان شاء الله
وبالنسبه لصورة البهارات موجود فيها البهارات الاساسيه للفريكه بس باقي البهارات اخياريه بس كتير زاكيه وبتعطي اضافه حلوه للفريكه
يعطيكم العافيه❤❤
