مسقعة اليقطين اكلة صيفية ملكة زاكي

المقادير

• كيلو يقطين
• نص كليو بندورة( طماطم)
• حبة بصل كبيرة
• ملح
• نص كأس زيت ذرة

الخطوات

السلام عليكم ورحمة الله وبركاته

يسعد اوقاتكم احبتي واخواتي شيفات زاكي الرائعات ان شالله تكونو بأحسن حال اشتقت لكم كثير بتمنى يرجع زاكي مثل قبل واحسن ويرجع كل الاخوات الغائبات اليوم طبختنا أنا بحسها من التراث يعني القليل بهذا الوقت ناس بتطبخها وهي من الطبخات الصيفية الخفيفة مثاليه للأيام الصيفية لأنها تؤكل باردة سهلةوسريعة التحضير مسقعة اليقطين والمشهور عنا بحلب قرع اول شي بنغسل حبات اليقطين وبنقشرها بقشارة البطاطا وبنقطعها مكعبات بطنجرة بنحط زيت ذرة وبنقطع بصلة ناعم وبضيفهاعالزيت وبس تتحمر بنضيف اليقطين وبنقلبن مع بعض ويتركها تستوي نص استواء بنضيف عليها البندورة وبنتركها تستوي تقدم مع الخضار اويلي بحب يطبخ بجنبها رز حسب رغبتكم ملاحظة بعض حبات اليقطين بتجي مرة الطعم لازم نتذوقها قبل التقطيع وان شالله يارب تعجبكم جربوها اكلة صحية وطيبة