البرازق الشامية الأصلية ملكة زاكي
البرازق الشامية الأصلية ملكة زاكي
المقادير
- ٥٠٠ غ طحين
- ٢٥٠ غ سمنة
- ربع ملعقة صغيرة ملح
- ملعقة صغيرة محلب اختياري
- ملعقة فانيلا
- مكونات مرحلة الثانية
- ٢٠٠ غ سكر عادي
- ١٠٠=نص كوب ماء بارد
- ملعقتين قطر( شيرة)
- مكونات لخلطة السمسم
- سمسم محمص كوبين
- ملعقة كبيرة قطر (شيرة)
- ملعقة صغيرة ماء
الخطوات
السلام عليكم ورحمة الله وبركاتة
يسعد اوقاتكم بكل خير اخواتي شيفات زاكي اليوم رح نعمل برازق الشام الأصلية وطعم اطيب من الجاهز المرحلة الأولى بجاط بنضيف الطحين ورشة الملح وبنخلطهن وبنضيف السمنة بدرجة حرارة المطبخ ونفرك الطحين ونخلطه ليختلط السمن مع الطحين ونأخذ خليط ناعم بنغطيه وبندخله الثلاجة لمدة ساعة بنطالعو وبنضيف بجاط ثاني بنضيف الماء نص كوب والسكر والقطر والفانيلا ونحركن وبنعمل حفرة بوسط الخليط وينصب مزيج الماء والسكر ونحركن بشكل دائري لحتا نشوف امتزج الخليط تماما ويصير الخليط شبه سائل عادي لاترتعبو راح تختفي السوائل وتتماسك العجينة وبتصير رائعة وبنغطيها وبندخلها الثلاجة ترتاح ساعة لحتا نشوف العجينة تماسكت وبنحضر خلطة السمسم بجاط بنحط السمسم وبنضيف علية ملعقة سكر كبيرةوبنخلطن
مع بعض وبنضيف عليهن ملعقتين كبار قطر وبنخلط ونفركن بيدنا فرك وبعدين بنرش عليهن ماء ملعقة صغيرة بنرش وبنفرك منلاقي السمسم تفكفك وصار جاهزبعد ماتكون ارتاحت عجينة البرازق بنبلش نشتغل بيها بنعمل رول ونقطعها قطع صغيرة وبنحط مقدار طحين بصحن لنغمس بيه أصابعنا وقت التشكيل لحتا ماتلزق العجينة بنأخذ قطعة وبنحطها بوعاء السمسم وبنشكلها دوائر ومهم تكون الاقراص رقيقة وبنضغط عليها لحتا يأخذ القرص السمسم الكافي وبنصفهن بصواني الفرن بجانب بعض بدون فاصل لانو عجينة الرازق ما فيها خميرة ولا بيكم بودر ملاحضة اذا شفنا السمسم ماعم يلزق وقت تشكيل الاقراص بنرش عليه رشة مي وبنفركو وبندخلهن فرن على درجة حرارة ١٧٠ أخذوا معي وقت ١٥دقيقة لحتا تتحمر وبتركهن يبردو تماما وهيك صارو جاهزين ماشالله بكمية الطحين هي عملت كمية وفيرة وان شالله تعجبكم وصحة وعافية يارب
