طريقة بقلاوة تاج الملوك ولا اروع ملكة زاكي

المقادير

• كوبين طحين ٥٠٠ غرام
• كوب ماء ٢٥٠ غرام
• رشة ملح
• ٣ معالق زيت نباتي
• للتوريق:
• من كوبين لثلاث اكواب نشا
• للحشي:
• اي نوع مكسرات
• للتحمير:
• كوبين سمنة
• للقطر:
• كوبين ونص سكر
• كوب ماء
• عصرة ليمونة
• معلقتين عسل اختياري

الخطوات

السلام عليكم عزيزاتي حبوباتي كيفكم شو اخباراتكم ان شاء الله الجميع بخير وسلامة

اليوم جايبتلكم البقلاوة الحلوة هاي يعني اعتبروها طلة بما اني زمان ما اجيتكم ههههههههه

الطريقة بكل بساطة بحط كل مكونات العجين الجافة وبعدين بنزل عليهم بالزيت والمي وبعجن كتتتتير منيح حتى تتشكل عجينة متماسكة ما بدبق بالايدوبعدين بتركها ترتاح من ربع ساعة لنص ساعة وبعدين بقطع العجينة لكرات صغيرة بقطعها ل٢٠ قطعة وباخذ كل قطعة بكورها وبغطيها بالنشا وبعدين باخد قطعة قطعة وبفردها قد حجم رغيف الخبز الصغير وبحطها على جنب وبرشها بالنشا ولازم تكون كمية وفيرة من النشا بين الطبقات وبضل افرد واحط فوق بعض واحط بينهم النشا لحتى اخلص الكمية وبحط كل عشر ارغفة فوق بعض وبعدين ببلش بباطن ايدي افرد الرقائق من الوسط لبرا حتى تفرد معي وبعدين ببلش بمرق العجين افرد بس ما ببالغ بالفرد بعدين باخد ورقة ورقة برفعها وبزيد بينهم نشا عشان ما يلزقو ببعض وبعدين بكمل فرد لحتى تصير معك رقائق شفافة بعدين بقص الاطراف وبمسطرة بقطع العجين لمربعات صغار ممكن ل٢ سم تكون حجمها وبعدين بحط الحشوة بنص كل مربع وبمسك المربع بثني على بعضو وبقرصو وبرجع من الاتجاه التاني وبقرص كمان عشان يتشكل عندك شكل التاج وبعدين بشربها بالسمنة حتى تتغطى بشكل كامل بدها الصينية تقريبآ كاسة سمنة سايحة وبعد ما تستوي بتصفيها عادي ما منها مشكلة بس لازم سمنتها تكون كثيرة عشان ما تعظم وتنشف معك طبعآ الشوي على نار محمى مسبقآ درجة حرارة ١٩٠ بتاخذ تقريبآ ٤٠ دقيقة مع المتابعة وبس تطلع بصيها من السمنة الزايدة وبشربها بالقطر البارد وبعمل العشرة الثانيات نفس طريقة الفرد وبعدين بقص الاطراف وبقسمها من النص وبحط قطعة بصينية من تحت وبرش عليها المكسرات وبحط الطبقة الثانية وبدخل الاطراف تحت دواير الصينية عشان يكون شكلها مرتب ومتناسق بقطعها على شكل ماعين وبشربها بالسمنة وبحمرة بنفس الطريقة وبس تطلع بصفيها من السمنة الزيادة بشربها بالقطر وبالهنا والعافية ع قلبكم

ملاحظة

هاي الكمية بتعمل صينيتين مقاس ٢٠×٣٠

ولازم تنتبهي لما بتشتغلي بالعشر قطع الاول اشي لازم الثانيات تكوني مغطيتهم بكيس نايلون او بشكير مطبخ نضيف لانو بنشف وبصير يفتت ويتكسر معك وان شاء الله ما اكون نسيت اشي واعذروني لاني مش مصورة الخطوات لانو هدول عندي من زمان بالستديو مو تصوير جديد لانو جديد صراحة ما عملت اشي لضروف صحية دعواتكم الي بالشفاء العاجل وادعولي الله يطمن قلبي وشكرآ الكم على كل دعوة حلوة رح تدعولي ياها ولكم بالمثل وزيادة