معمول الطحين والسميد الفاخر بطريقة مضمونة ملكة زاكي

المقادير

• كيلو طحين
• كيلو سميد ناعم فرخة
• كاستين سكر مطحون
• اربع معالق حليب بودرة
• ملعقة محلب محطون
• نص ملعقة مسكة مطحونة
• مقادير الدسم:
• ٧٠٠غ سمنة
• ١٥٠ غ زيت ذرة
• للحشوة تمر مطحون
• نص ملعقة قرفة أو هيل مطحون حسب رغبتكم

الخطوات

السلام عليكم ورحمة الله وبركاته

يسعد اوقاتكم بكل خير احبتي اليوم رح نعمل معمول الطحين والسميد بنكهة أكثر من رائعة وبشهادة كل يلي ذاقو هش وبذوب بالتم ذوبان أول مرحلة بنخلط الطحين والسميد والسكر والحليب البودرة والمحلب والمسكة المطحونة وبنضيف عليهن السمنة والزيت بدرجة حرارة المطبخ وبنفركهن مع بعض لحتا تتشرب العجينة السمنة وبنغطيها وبندخلها الثلاجة ترتاح لمدة ليلة كاملة وبس ترتاح بنطالعها وبنضيف ملعقتين كبار قطر ثقيل على كأس ماء وبنضيف وبنحرك ايدينا بشكل دائري لحتا تتشكل عجينة متماسكة وسهلة التشكيل وبنغطيها وبندخلها الثلاجة لمدة ساعة وبنجهزالحشوة بنضيف ملعقتين كبار سمنة والقرفة على التمر المطحون وبندعكن وبنبلش نكورها كرات وبنبلش بتشكيل على حسب الرغبة وبنصفن بالصواني وبرجعهن عالثلاحة مدة عشر دقائق وبندخلهن على فرن حامي أنا فرني بيشتغل من فوق وتحت مع بعض لحتا ياخذو اللون الذهبي الحلو بنطالعهن وبنتركن يبردو وهيك صارو جاهزين وبتمنى يعجبكم وان شالله صحة وهنا