كيكة الكريم كراميل والطعم لا يوصف ملكة زاكي 3

المقادير

• 3 حبات بيض
• كوب ونص طحين
• كوب الا ربع زيت ذره
• كوب سكر
• علبة زبادي 170 غ
• رشة ملح
• م.ص.خل
• م.ك.فانيلا
• م.ك.بكنج باودر
• لتشريبة الكيك :
• كوب ونص حليب سائل
• ظرف كريم كراميل
• لعمل الكراميل :
• م.ك.زبده
• علبة قشطه
• كوب سكر

الخطوات

السلام عليكم ويسعد مساكم بالخير

من بعد غياب أرجعت لتنزيل الوصفات ما النا غنى عن تطبيق زاكي وعنكم اخواتي جميعا اتمنى ان تكونو جميعا بخير …وان شاء الله بتعجبكم الوصفه

اليوم بقدملكم وصفة كيك الكراميل والطعم رووووعه وبتشهههي وسهله وبسيطه جربوها ما راح تندموو

يلاااا نشووف الطريقه …..

& الخطوات الأولى لتحضير أي كيكه : أولا بنشغل الفرن عالحرارة 180 …وبندهن القالب زيت وبنرشه بالطحين …

& بنخفق البيض مع الفانيلا والخل لحتى يفتح لون البيض،《البيض واللبن بدرجة حرارة المطبخ 》

بضيف السكر واللبن والزيت وبخفقهم سوا لحتى يتجانس الخليط بضيف الطحين ورشة ملح والبكنج باودر وبخفقهم لحتى يختفي الطحين فقط،، ما نبالغ بالخفق عشان مفعول البكنج باودر …بنضيف الخليط بالقالب او بالصينيه …الخليط لقياس قالب او صينيه حجم وسط ،،، بدخله الفرن عالرف الاوسط لمدة 30 دقيقه او حسب ما يجهز الكيك ..بنختبر استواءه بعود خشبي بعد ال30 دقيقه ..واذا كان بحاجه لتحمير بنشغل عليه الفرن من اعلى لحتى ياخذ اللون المطلوب ،،،انا ما احتاج تحمير معي كان جاهز ومحمر عال30 دقيقه

& خلال ما هو الكيك بالفرن بكون جهزت التشريبه يلي راح اشربها للكيك ..وهي الحليب السائل مع ظرف من بودرة الكراميل وبضعهم عالغاز لحتى يغلى بطفي تحته وبتركه يهدا شوي من الحراره …بعد ما يجهز الكيك معي ويرتاح لعشر دقائق بثقبه بعود خشبي وبشربها بتشريبة الحليب وبتركه عالجنب لحتى أجهز الكراميل

& بنضع كوب سكر عالغاز نار وسط وبتركه لحتى يبلش يذوب ببلش احركه لحتى يذوب السكر تماما 《ولازم ننتبه لانه السكر بنحرق بسرعه وبصير طعم مرار فيه 》وطي النار لاقل من الوسط وبضيفله ملعقة كبيره زبده وبحركه سريعا لحتى تذوب الزبده بضيف القشطه وبحرك بشكل سريع لحتى يتجانس الخليط وتختفي التكتلات من الكراميل …لحتى يصير قوامه بالشكل المطلوب بطفي تحته وبستمر بتحريكه عشان ما يجمد معي وبضيفه عالكيكه فورا وهو سخن وبوزعه عالكيكه بشكل كامل …وبتركها تبرد بدرجة حرارة المطبخ وبقدمها …وصحه وألف عافيه …

زينتها بالورد المجفف وجوز الهند

دمتم بكل الخير