جولاب جامون حلويات هندية مشهورة ملكة زاكي ٣
جولاب جامون حلويات هندية مشهورة ملكة زاكي ٣
المقادير
- كوب حليب بودرة
- نص كوب طحين
- ملعقتين ونص سمنة
- نص كوب حليب
- ملعقة صغيرة بكن باودر
- مقادير القطر
- ثلاث اكواب سكر
- كوبين ماء
- اربع حبات هيل
- ملعقة صغيرة عصير ليمون
الخطوات
السلام عليكم ورحمة الله وبركاته
يسعد أوقاتكم بكل خير اليوم رح نعمل طريقة حلو هندية عجبتني طريقتها سهلة و موادها متوفرة بكل بيت
اول مرحلة بنضيف الحليب والسمنة ونص كوب حليب بحرارة الغرفة وبنخلط لحتا يذوب الحليب والسمنة ولازم يكون الخليط خالي من اي تكتلات وبنضيف نص كوب طحين وملعقة بكن باودر وبنخلط وإذا احتاجت العجينة طحين بنضيف ملعقة ملعقة لحتا تتشكل عجينة متماسكة وطرية وسهلة التشكيل وبنلمها منيح وبنحطها بصحن وبنغطيها بنايلون غذائي وبنتركها ترتاح لمدة خمس دقائق وبندهن صينية زيت وبنكور العجينة كرات يكون حجمها وسط وبعدين بنقليهن بزيت وفير على درجة حرارة واطية بنزلهن بالزيت وبنحركن بالشوكة لحتا مايلزقلو بالاسفل وبعدين بنحركهن بملعقة شبك وبنضل نحرك بيهن لحتا ناخذ اللون الذهبي الغامق نفس مبدأ قلي العوامة وبنطالعن من الزيت وبنحطن بصينية مفروش فاين خاص للمطبخ وبنتركهن عشر دقائق لحتا يبردو بطنجرة بنحط ثلاث اكواب سكر و كوبين مي واربع حبات هيل وبنحطهن عالنار وبنتركن يغلي لحتا يذوب السكر وبنضيف ملعقة صغيرة عصير ليمون وبنزل الكرات على القطر المغلي وبنتركن مدة دقيقتين يغلو بالقطر لحتا يكملو استواء وبنطفي النار وبنتركهن بالقطر ساعتين لحتا يتشربو القطر منيح وكل فترة بنحركن مع القطر وبنقدمهن مع القطر وبنزينهن بالفستق الحلبي
وهيك صارو جاهزين وبتمنى تعجبكم الوصفة صحة وهنا
