تبوله وعجة مقليه
تبوله وعجة مقليه
المقادير
- مقادير العجه:
- 3ضمم بقدونس
- 4 حبات بصل اخضر
- رأس توم مهروس
- حبتين بطاطا مبشورين
- معلقتين ملح
- معلقتين فلفل اسود طبعا صغار
- معلقتين فليفله حلبيه
- نص كأس طحين
- 8بيضات
- مقادير التبوله :
- بقدونس
- خس
- بصل اخضر
- برغل ناعم
- ملح
- ملح الليمون
- دبس بندورة
- دبس فليفله
الخطوات
يسعد مساكن صبايا بكل خير رجعتلكون من جديد لانو ما كان يزبك معي تنزيل الوصفات وهلق لحتى زبط الحمدلله … اليوم عملت عجة وتبوله وحبيت انزل الوصفه وسوف تشجعكن الي …
مقادير العجه ….3ضمم بقدونس …و4 حبات بصل اخضر …ورأس توم مهروس …وحبتين بطاطا مبشورين..ومعلقتين ملح…ومعلقتين فلفل اسود طبعا صغار…..ومعلقتين فليفله حلبيه …ونص كأس طحين …و8بيضات …
ومقادير التبوله ….بقدونس.. وخس.. وبصل اخضر ..وبرغل ناعم ..وملح وملح الليمون ودبس بندورة ودبس فليفله…
اول شي منفرم البقدونس وبصل الاخضر للعجه ومنغسلون منيح ومنصفيون كتير منيح وبعدين منضيف فوقن البطاطا المبشورة وتوم المهروس والبيض والطحين وملح والفلفل الأسود والفليفله ومنخلطون منيح وبعدين منقليا على شكل دوائر انا بحط بصينيه القلي علبه فول فاضيه بفتحا من تحت وبقلي فيا منشان يطلعو كلون بنفس الحجم…
بالنسبه لتبوله انا ما بحط لا بندورة ولا خيار هيك عنا بمحافظتنا بيعملووا فتعودنا عليها هيك ..اول شي منحمص البرغل مع زيت زيتون ومنحط الملح وملح الليمون ودبس البندورة ودبس الفليفله فوق البرغل ومنحمصون منيح بعدين منضيف نص كاسة شاي مي ومنحركون شوي وبعدين منطفى الغاز ومنتركون ليبردو لبين ما نفرم الخضره …منفرم الخس والبقدونس وبصل اخضر ومنغسلون ومنصفيون منيح وبعدين منخلطون مع بعض هني وبرغل مع زيت الزيتون ….
بتمنى تعجبكون وتجربوها وان شاء الله رح انزل صور اكتر الوصفه الجاي …
