عجينة مناقيش قطنية ورائعة بحشوات مختلفة
عجينة مناقيش قطنية ورائعة بحشوات مختلفة
المقادير
- كيلو دقيق
- بيضة واحدة
- ثلاث معالق حليب بودرة
- ملعقة كبيرة خميرة فورية
- ربع ملعقه ملح
- ملعقتين سكر
- ٥٠ غرام زبدة أو زيت
- ماء حسب استيعاب العجين
الخطوات
السلام عليكم ورحمة الله وبركاته
يسعد أوقاتكم بكل خير وسعاده اليوم رح نعمل مناقيش قطنية ورائعة وبحشوات مشكلة جبنة ومحمرة وزعتر اول مرحلة بنحضر العجين بجاط بنضيف كيلو دقيق وبنضيف عليه المواد الجافة السكر والخميرة والملح والحليب وبنخلطهن مع بعض وبعدها بنضيف البيضة والزيت وبنضيف ماء دافئ على مراحل وبنعجن لحتا تتشكل عجينة طرية مابتلزق باليد كل ماعجنا العجين بناخذ عجينة هشة وطرية وقطنية بنغطيها وبنتركها ساعة تتخمر وبنحضر الحشوات أول حشوة بنحضرة المحمرة بيلزمنا بصلة مفرومة ناعم وبنزلها عالزيت طبعا كمية الزيت حسب كمية المحمرة وبنقلبها مع الزيت وبس تتحمر بنضيف بندورة مفرومة ناعم وبنضيف عليها معجون فليفلة (دبس فليفلة) ومعجون بندورة بنضيف عليهن الملح وبنحركهن مع بعض مدة دقيقة وبنطفي النار وبنتركهن يبردو وحشوة الجبنة جبنة بيضة منقوعة قبل بليلة صفيتها من ألمي وبشرتها وصفت عليها جبنة موزريلا وخلطتن مع بعض والزعترلازم يكون عنا جامد شوي ونبلش نشكل بالعجينة بعد تكون تخمرت والتشكيل سهل بنرق العجينة بشكل مستطيل وبنقطعها دوائر بالحجم يلي بترغبو وبنصير نلف بطرف دائرة العجين بأصبع ونضغط عليها بالاصبع الثاني وبصفهن بصواني مدهون بالزيت وبندخلهن فرن حامي مسبقا وبس تتحمر الأطراف من الاسفل بنحطها على الشبك الوسط بالفرن وبنحمر الوجه وبس نطالعن من الفرن بنغطين خمس دقائق وهيك صار جاهزين ماشالله ريحتهن وطعمن روعة وان شالله تعجبكم وصحة وهنا
