دونات بالفرن هشة وخفيفة ملكة زاكي4
دونات بالفرن هشة وخفيفة ملكة زاكي4
المقادير
- مائتين حليب سائل
- صفار بيضتين
- نص ملعقة صغيرة فانيلا
- ثلاث معالق سكر
- ملعقتين خميرة فورية
- خمس كاسات طحين
- ملعقة كبيرة بيكنج بودر
- ربع ملعقه صغيره ملح
- ١٠٠ غرام زبدة
- صوص الشكولاته
- كأس حليب سائل
- كأس حليب بودرة
- كأس سكر
- نص كاس كاكاو بودرة
- كأس سكر
- نص ملعقة صغيرة فانيلا
- نص ملعقة صغيرة نسكافيه
- ثلاث ارباع الكأس زيت
الخطوات
السلام عليكم ورحمة الله وبركاتة
يسعدلي اوقاتك احبابي الكرام اخواتي العزيزات اليوم رح نعمل دونات بالفرن هشة وخفيفة وأقل سعرات حراريه بفضلها أكثر من القلي
بداية بجاط بنضيف كوبين حليب دافئ وملعقتين خميرة والسكر وصفار بيضتين والفانيليا وبنخلطهن مع بعض وبنتركهن عشر دقائق لحتا نتأكد من تفاعل الخميرة بنزل الطحين عالخليط مع البيكنج باودر ورشة ملح وبنبلش نعجن لحتا تصير عنا عجينة متماسكة بنضيف ١٠٠ غرام زبدة بحرارة المطبخ وبنعجن مدة عشر دقائق وهيك بتكون صارت العجينة جاهزة بنتركها تختمر مدة ساعةوهون بنجهز خليط الشكولاته بالخلاط بضيف كأس حليب وكاس حليب بودرة و كاكاو بودرة والسكر والفانيليا والنسكافية وبنخلطهن مع بعض وبس يتجانسو بنزل الزيت بشكل خيط رفيع لحتا تمسك معنا الشكولاته وهيك صارت جاهزة ونبلش نشكل الدونات بنزل العجينة على سطح مرشوش طحين وبرقها بالشوبك حجم وسط وبقطعها بقطاعة خاصة الدونات وبحط الدونات بصينية مفروشة ورق زبدة وبنتركهن نص ساعة لحتا يخمرو مرة ثانية وبندخلهن فرن حامي مسبقا وبندخلهن الفرن وبس يتحمرو بنحمر الوجه لحتا ياخذو اللون الذهبي وبنطالعن وبنتركهن يبردو
وبنزينهن بالشوكولاتة أو زينة بترغبولها ويلي بحب يحشيهن كمان حسب الرغبة وصحة وعافية يارب
