المنسف الحلبي وطريقة طبخ اللبنية ويخنة البطاطا والبصل ملكة زاكي 4
المنسف الحلبي وطريقة طبخ اللبنية ويخنة البطاطا والبصل ملكة زاكي4
المنسف الحلبي وطريقة طبخ اللبنية ويخنة البطاطا والبصل ملكة زاكي4
المقادير
- دجاج مقطع
- ثلاث كاسات رز
- كاستين فريكة خشنة
- كأس برغل خشن
- يخنة البطاطا والبصل
- خمس حبات بصل
- حبة بطاطا وسط
- اللبنية كيلو لبن
- كأس صغير رز حبة قصيرة
- زينة الوجه لحمة مفرومة ناعم ٢٠٠ غرام
- لوز
- اربع معالق سمنة
- ملعقتين ملح لسلق الدجاج وبنضيف الارز والفريكة واللبنية واليخنة اذا احتاجو
- ملعقة فلفل اسود مطحون
- ملعقة صغيرة كركم مطحون
الخطوات
السلام عليكم ورحمة الله وبركاته
يسعدلي اوقاتكم بكل خير اليوم رح اعرفكو على منسفنا الحلبي كنا بنقدمو بأغلب المناسبات بصير بالدجاج اواللحم وبالفريكة اوالبرغل انا عملتو بالدجاج اول مرحلة بعد غسل الدجاج ونقعو وسلقو بالطريقة المعتادة بطنجرة بنضيف ملعقة سمنة كبيرة وبعد مانكون تنقية حبات الفريكة بنبلل بشكيرة مطبخ وبحط الفريكة لحتا تعلق الشوائب أو غبار بالبشكيرة والفريكةبتاخذ طراوة وطبعا نجاح الفريكة حسب نوعيتها الجيدة بنضيف الفريكة عالسمنة مع كاسة برغل وبنحمصن مدة عشر دقائق وبنضيف عليها من مرقة الدجاج بعد تصفيتها كل كوب فريكة بدو كوبين ماءوبنتركها منقوع مدة ساعة بتساعدنا بتفتيح حبات الفريكة وبنحطها عالنار وبنضيف ملح إذا احتاجت وملعقة صغيرة فلفل اسود مطحون وملعقة كركم صغيرة بتعطي اللون الاخضر الجميل الفريكة وبغطيها وبنتركها عالنار أقل من الوسط وبنحضر يخنة البطاطا والبصل بنقطع البصل جوانح رقيقة والبطاطا مكعبات بطنجرة بنضيف ملعقة كبيرة سمنة وبنضيف البصل وبنحرك لحتا يبلش يأخذ لون بنضيف البطاطا وبنحرك مدة دقيقتين وبنضيف عليهن من مرقة الدجاج كاستين وبنضيف عليها نص ملعقة صغيرة بهار أسود وملح إذا احتاجت وبنتركهن عالنار لحتا يستوي البصل والبطاطاوبنحضر اللبنية بيلزمنا كيلو لبن بنضيف عليه بيضة أو ثلاث معالق نشا وبنحركهن مع بعض وبنحطها عالنار مع التحريك المستمر لحتا تبلش تغلي بنضيف كأس شاي صغير رز مصري مغسول فقط بدون نقع وبنضيفو على اللبن وبنحرك لحتا مابتلزق حبات الرز باسفل الطنجرة وبنضيف عليها ملعقة ثوم مهروس وبنتركن عالغار تغلي على نار هادئة لحتا تستوي حبات الرز وينضيف للبن من مية سلق الدجاج حتا تصير اللبنية حسب السماكة المرغوبة وبس تستوي بنضيف رشة نعناع يابس وبنحرك وبنرجع عالفريكة لحتا نشوف اذا كان استوت حبات الفريكة إذا احتاجت مي بنضيف بالتدريج لحتا نتأكد من الاستواء
وبنطبخ الرز بطريقة المعتادة طبعا أنا حمرت الدجاج بالفرن وهيك طبختنا صارت جاهزة ونبلش مرحلة التقديم بجاط بنصف الدجاج بشكل يلي بترغبو وبنضيف الرز فوق الدجاج وبالملعقة بنساوي السطح وبنرجع بنضيف الفريكة وبنساوي كمان سطح الفريكة لحتا تاخذ شكل القالب وبنقلبن بجاط التقديم بنكون جهزنا اللوز واللحمة المقلاية مع السمن وبنزين الوجه وهيك صارت جاهزة انا اسفة طولت عليكم بس المراحل كثيرة وبليزمها شرح كثير حاولت اختصر وان شالله يعجبكم الطبخ الحلبي التراثي وان شالله صحة وهنا يارب
