رموش الست بالشكولاته والكريمة حلى لذيذ وبسيط ملكة زاكي4
رموش الست بالشكولاته والكريمة حلى لذيذ وبسيط ملكة زاكي4
رموش الست بالشكولاته والكريمة حلى لذيذ وبسيط ملكة زاكي4
المقادير
- كوب ونص طحين
- ١٥٠ غرام زبدة
- ربع كوب زيت
- ملعقتين كبار سكر
- بيضة
- نص ملعقة صغيرة خل ابيض
- ملعقة صغيرة فانيليا
- رشة ملح
- ملعقة كبيرة بيكنج باودر
- ثلاث معالق كبار كاكاو بودرة
- مقادير القطر
- كوب سكر
- كوب وربع ماء
- نص ملعقة صغيرة عصير ليمون
- مقادير الكريمة
- ثلاث اكواب ونص حليب
- ثلاث معالق سكر
- نص كوب طحين
- بكيت دريم ويب او البديل علبة قشطة
- ملعقة صغيرة فانيلا
الخطوات
السلام عليكم ورحمة الله وبركاته
يسعد اوقاتكم بكل خير ان شالله تكونو بأحسن حال اليوم رح نعمل طبق حلو سهل ويقدم بارد او دافئ بحرارة المطبخ وطعم رائع اول مرحلة بنحضر القطر بطنجرة بنضيف كوب سكر وكوب وربع ماء وبنحطن عالنار وبس يغلي بنضيف نص ملعقة عصير ليمون وبنحركهن وبنتركو يغلي مدة خمس دقائق وبنطفي وبنتركو يبرد وثاني مرحلة بنحضر عجينة البسكوت بنذوب ١٥٠ غرام زبدة على نار هاديه لحتا تذوب بنزلها بجاط وبنضيف عليها ربع كوب زيت وملعقتين سكر ونص ملعقة صغيرة خل ابيض ورشة ملح وبنخلط بالمشبك اليدوي لحتا يبيض الخليط بنضيف البيضة لازم تكون بدرجة حرارة الغرفة مع ملعقة فانيلا وبنخفقن مع بعض لحتا يتجانسو بننخل ملعقة كبيرة بيكنج باودر مع ثلاث معالق كاكاو بودرة بنخلطهن مع الخليط وبنزل عليهن كوب طحين منخول وبنخلطهن مع بعض وبنرجع بنضيف نص كوب طحين وبنعجن لحتا تتشكل عجينة متماسكة اذا احتاجت منكم طحين ضيفلوها لحد يصير المقدار الكلي كوبين حسب نوعية الطحين انا اخذت معي كوب ونص وبنبدأ نشكل البسكويت بنعملهن كرات صغيرة وبنضغط عليهن ضغطة خفيفة وبنحطهن بصينية مدهونة بالزيت وبنترك بين القطع مسافة لانو رح يتضاعف حجمها بالفرن وبندخلهن فرن حامي متوسط الحراره من الاسفل فقط واول ما نشوف حبات البسكوت انتفختواذا جينا نرفعها بأيدنا بترتفع بسهولة بنطلعها
وبنزل عليها القطر بحرارة المطبخ والبسكويت سخن وبنتركهن ربع ساعة بنقلبهن لحتا يتشربو القطر وبنتركهن ساعة يبردو بنرص حبات البسكويت بباريركس اول كاسات تقديم حسب رغبتكم وبنحضر الكريمة بنضيف بطنجرة نص كوب طحين وثلاث معالق سكر وبكيت دريم ويب وبنزل ثلاث اكواب ونص حليب وبنخلطهن عالبارد وبنحطهن على نار وسط مع التحريك
لحتا يثقل الخليط بنضيف ملعقة صغيرة فانيلا وبنحكرهن وبنزل الخليط ساخن على حبات البسكويت لحتا نغطي حبات البسكويت وبنتركو يبرد ملاحظة اذا بتحبو الكريمة بنكهة الشوكلاته ممكن تضيفو ملعقة كاكاو بودرة ملاحضة ثانية الخليط بضل قوامو كريمي حتا لو دخلناها الثلاجة قوام الطحين بالكريمة بختلف عن قوام النشا قوامها بكون متماسك أكثر وبس تبرد الكريمة بنزينها برشة جوز الهند والفستق الحلبي وممكن نزينها بالفواكه حسب الرغبة وزادت ملعقتين من الكريمة ضفت عليها ملعقة صغيرة كاكاو ذوبتها بملعقة صغيرة ماء مغلي وضفتها عالكريمة وزينت بيها الوجه بس انا لانو الكريمة كانت سخنة شوي ذابت معي بسبب ولادي مارح يتركوها تبرد وقوامها يتماسك اكثروان شالله تعجبكم وصحة وهنا يارب
