سينابون رول بعجينة مثل الغيمة ملكة زاكي4
سينابون رول بعجينة مثل الغيمة ملكة زاكي4
المقادير
- اربع اكواب طحين
- كوب حليب دافئ
- نص كوب لبن زبادي
- 2 ملاعق كبيرة سكر
- 1ملعقة كبيرة خميرة
- 1بيضة
- ملعقة صغيرة فانيليا
- ملعقة صغيرة بيكنج بودر
- ربع ملعقة صغيرة ملح
- 80 غرام زبدة
- الحشوة كأس سكر بني
- ربع كوب سكر ابيض
- ملعقة كبيرة قرفة مطحونة
- 100غرام زبدة
- ملعقة صغيرة فانيليا
- ملعقة كبيرة كاكاو بودرة
- 100 غرام جبنة كريمية
- ربع علبة حليب مكثف
الخطوات
السلام عليكم ورحمة الله وبركاته
يسعد اوقاتكم احبتي وان شالله يارب يكون العام الجاي عام خير وسعاده وبركة اليوم رح نعمل سينابون بعجينة رائعة خفيفة جدا وطرية مثل الغيمة
اول مرحلة بنزل الحليب واللبن والسكر والخميرة والبيضة والفانيليا وبنخلطهن مع بعض وبنغطيهم على جنب لحتا تفور ونتاكد من فعالية الخميرة عشر دقائق بنزل الطحين والبيكنج باودر والملح ورابع كوب بنزلو على دفعات لحتا تتشكل عجينة طرية متماسكة بنضيف الزبدة اذا كان العجين باليد بداية رح تغلبكم شوي بس بلاخير بناخذ نتيجة رائعة عجينة ناعمة وبنغطيها وبنتركها تختمر مدة ساعة بس تختمر بنرش رش طحين على سطح العمل وبنرق العجين على شكل مستطيل بندهن وجه العجين بزبدة لينة وبنحاول نبعد عن الأطراف وبنرش خليط السكر يلي بنكون مجهزينو وهو السكر البني والابيض والكاكاو القرفة البودرة والفانيليا على سطح العجين وبنحاول نكبس بأيدينا لحتا وقت التقطيع ماتنزل الحشوة وبنبلش بنلف العجين رول ونحاول نشد عليها لحتا تمسك ببعض ونسكر الأطراف منيح وبنقطعها دوائر أو بسكين تكون حادة أو بالخيط وبنصفهن بصينية مدهون بالزيت وتركتهم بالجو الشتاء ساعة لحتا يرجع يتضاعف حجمها وبندخلها الفرن على درجة حرارة 180اغلب الخبز من تحت وبس تتحمر بنحمر الوجه تحمير خفيف بنطالعا وبنتركها تبرد خمس دقائق وبعدين بنزينها بخلطة الجبنة مع الحليب المكثف والنويتلا على حسب رغبتكم وهيك صارت جاهز والرائحة والطعم بجد لايقاوم اذا حبيتو تضيفو كريمة بودرة مع العجين بتعطي طعمة كثير طيبة أو إذا موجود كريمة سائلة بنضيفها بين حبات السينابون قبل ماندخها الفرن حسب طبعا الرغبة
عنجد هي الوصفة كثير طيبة بالجو البادر وطعمة القرفة مع العجين والنكهات والمختلفة شي رائع من أكثر الوصفات يلي بعشقها وان شالله صحة وهنا
