رول طبقات البسكويت مع التمر ملكة زاكي 5
رول طبقات البسكويت مع التمر بشكلها الجميل وطعمهاالشهي ملكة زاكي 5
رول طبقات البسكويت مع التمر بشكلها الجميل وطعمهاالشهي ملكة زاكي 5
المقادير
- ٥٠٠ غرام من التمر المطحون
- ٥٠ غرام زبدة
- ملعقة صغيرةهيل مطحون
- ملعقة قرفة مطحونة
- ملعقة صغيرة شومر
- ملعقة صغيرة يانسون
- نص ملعقة جوزة الطيب
- علبة بسكويت الشاي
الخطوات
السلام عليكم ورحمة الله وبركاته
يسعد اوقاتكم بكل خير اليوم رح نعمل رول طبقات البسكويت مع التمر بشكلها الجميل وطعمهاالشهي وطريقتها سهلة وسريعة التحضير
اول مرحلة بنحضر التمر المطحون اختارو النوعية الجيدة لانو النكهة كلها للتمر بنضيف عليها المنكهات يلي ذكرتها وبنذوب الزبدة وبنضيفها عالتمر وبنعجنها بشكل جيد واذا كان نوع التمر ناشف بنضفلو ملعقة قشطة وبواسطة ورق زبدة أو كيس نايلون لحتا يساعدنا على فرد عجينة التمر بنحط طبقة تحت التمر والثانية فوق وبواسطة الشوبك
بنرق لحتا تصير رقيقة شوي بنساوي الأطراف بيصير عنا شكل مستطيل بنحط البسكويت على الطرف وبنلف
بواسطة ورق الزبدة وبنضغط عليها لحتا يمسك التمر مع البسكوت وبنرجع بنحط طبقة ثانية من البسكوت وبنلف وبنرجع بنحط الطبقة الثالثة وبنلفها وهيك صار
عنا رول بنقطعو بنصف رول زينتو بالسمسم ورول زينتو بالفستق الحلبي ولفيتهن بكيس نايلون ودخلتها
الثلاجة لمدة ساعتين بنطالعن من الثلاجة وبنقطعهن
وبنقدمهن ممكن تزينوهن بجوز الهند أو البسكويت المطحون حسب رغبتكم وهي صارو جاهزين سهلة وبسيطة ومن الحلويات المفيدة وكثير طيبة مع القهوة
والباقي يلي ضل عندي قطعتها قطع صغيرة وحطيتها
بعلبة ودخلتها الثلاجة لوقت الحاجة وصحة وهنا
