كعك اليانسون من ألذ الوصفات الشتوية ملكة زاكي 5
كعك اليانسون من ألذ الوصفات الشتوية ملكة زاكي 5
المقادير
- بيضتين بحرارة المطبخ
- ملعقة خل ابيض
- نص كوب سكر
- ملعقة كبيرة سمنة (اختياري)
- نص كوب حليب سائل
- ثلاث اكواب ونص طحين
- ملعقة كبيرة بيكنج بودر
- ملعقتين نشا
- نص ملعقة صغيرة ملح
- ملعقة كبيرة يانسون مطحون
- ملعقة كبيرة يانسون حبيبات
- ملعقة صغيرة حبة البركة
- ملعقة سمسم
- نص ملعقة صغيرة محلب مطحون
- سمسم للتغطية اختياري
- ملعقة قطر
الخطوات
السلام عليكم ورحمة الله وبركاته
يسعد اوقاتكم بكل خير اليوم رح تكون وصفتنا من الوصفات الشتوية كعك اليانسون مع كاسة شاي او حليب من اطيب النكهات سهل وبسيط
اول مرحلة بنزل البيض والسكر والخل وبنخلط لحتا يفتح لون البيض وبنزل نص كوب زيت وملعقة سمنة ملعقة السمنة اختياري بس بتعطي نكهة طيبة وبنخلطهن مع بعض وبنضيف نص كوب حليب واذا حبيتو تستبدلو الحليب بماء مغلي اليانسون حسب الرغبة وبنخلط المكونات السائلة وبنضيف الطحين المنخول بالبداية ثلاث اكواب مع البيكنج بودر والملح وبنعجن وبنضيف الدقيق لحتا تتكون عجينة طرية متماسكة وبنتركها عشر دقائق ونبلش نشكل بيها وبنغمسها بالسمسم ونصف الكعكات بصينية وندخلهن عالفرن الحامي مسبقا ملاحضة لازم تكون حرارة الفرن وسط لحتا يستوي الكعك من الداخل ويكون مقرمش وبس يتحمرو بنطالعن وبنتركهن لحتا يبرد
وهيك صارو جاهزين وان شالله صحة وهنا
